პარლამენტი, იმპიჩმენტის წესით გადააყენებს იმ ადამიანს, რომელიც არც კონსტიტუციას და არც არანაირ სტანდარტს პატივს არ სცემს, – განაცხადა სალომე ზურაბიშვილზე საუბრისას საქართველოს პარლამენტის თავმჯდომარემ, შალვა პაპუაშვილმა „ქართული ოცნების“ ცენტრალურ ოფისში გამართულ ბრიფინგზე.
„მან, საკუთარი სოციალური მედიის გვერდის საშუალებით გაავრცელა დეზინფორმაცია, რომ თითქოს სკოლაში მოსწავლეებს უკანონოდ ართმევენ მშობლების პერსონალურ მონაცემებს. ამაზე განათლების სამინისტროს განცხადება იყო, რომ ეს იყო აბსოლუტური დეზინფორმაცია. რაც ქალბატონმა სალომემ ჩაიდინა, ეს ყოველგვარ ზღვარსა და სტანდარტს ცდება“, – აღნიშნა შალვა პაპუაშვილმა.
