ხმაური იყო ზუგდიდის საკრებულოში. ფრაქცია „ნაციონალური მოძრაობის“ თავმჯდომარე თემურ ბასილაიას ენმ-ის ყოფილი აქტივისტის ირაკლი გაწერელიას(რომელიც ავტოსაგზაო შემთხვევის შედეგად გარდაიცვალა) მეუღლემ,
ფატი შენგელიამ სიტყვიერი შეურაცხყოფა მიაყენა და წითელი საღებავი შეასხა.
“საარჩევნოდ ჩახოცა თქვენმა ხელისუფლებამ. 8 თვეა ჩვენმა პარტიამ, რომელსაც 9 წელია იკა გაწერელიამ სიცოცხლე შეწირა. დამაყენეს მარტო, 8 თვეა ამ შემთხვევის შემდეგ, ყველაფერი შემატოვეს მე. გამოძიება, პროკურატურა, სასამართლო. მარტო მე და განაჩენის დღეს ვურეკავ პარტიის… თბილისში ვრეკავ, ბიჭების სული მარტო არ დამიყენოთ ხალხო განაჩენის დღეს და იცოდნენ ამათმა. არცერთი მათგანი იქ არ ყოფილა.
მკვლელ ხელისუფლებასთან ზის ახლა ეს!.. ზუსტად, სულ მიკვირდა, როგორ გამიბედეს იკას მოკვლა თქო ხალხნო. იმიტომ გაუბედიათ, რომ ერთმანეთთან შერწყმულები ხართ.
მე იმ ბიჭებს ვეტყვი მადლობა, რომ ამ ქვეყნისთვის იცხოვრეს. ყველაფერს გავაკეთებ მათი სულის უკდავსაყოფად, მაგრამ მათი ჩახოცვის სისხლს არცერთ მათგან არ ვაპატიებ.” – ასე მიმართა საკრებულოს სხდომაზე შესულმა ფატი შენგელიამ თემურ ბასილაიას
