ინდოეთში, უტარ პრადეშის შტატში, ზიკას ვირუსით სულ მცირე 89 ადამიანია ინფიცირებული. ამის შესახებ გამოცემა CNN წერს.
გამოცემის ცნობით, ინფიცირებულთა შორის 17 ბავშვია.
ქალაქ კანპურის მთავარი სანიტარული ოფიცრის თქმით, სახელმწიფოში ზიკას ეპიდემიაა.
„ამ დაავადების სიმძიმის გათვალისწინებით, განსაკუთრებული სიფრთხილის ზომებია საჭირო“, – განაცხადა უტარ პრადეშის მთავარმა მინისტრმა, იოგი ადიტიანათმა.
ზიკა ვირუსის კოღოს ნაკბენით ვრცელდება. ყველაზე გავრცელებულ სიმპტომებად ითვლება ცხელება, გამონაყარი, ტკივილი სახსრებში და კონიუნქტივიტი. დაავადებას ხშირ შემთხვევაში მსუბუქი მიმდინარეობა ახასიათებს და გრძელდება რამდენიმე დღიდან ერთ კვირამდე. მძიმე კლინიკური სიმპტომატიკით დაავადების მიმდინარეობა და შესაბამისად ჰოსპიტალიზაციაც იშვიათია.
ვირუსი ყველაზე დიდ საფრთხეს ორსული ქალებისთვის წარმოადგენს. ამ ეტაპზე ზიკასა და ჩანასახის განვითარებას შორის კავშირი დამტკიცებული არ არის. თუმცა იმის გამო, რომ ვირუსს ამნიონურ სითხეში შეღწევა და ჩანასახს დაინფიცირება შეუძლია, მედიკოსები ეჭვობენ, რომ ზიკა მიკროცეფალიას იწვევს.
