“მოგიწოდებთ საჯაროდ დაგმოთ გრიგოლ ვაშაძის დანაშაულებრივი და შეურაცხმყოფელი მოქმედება” – ქუთაისის მუნიციპალიტეტის საკრებულოს წევრი ალეკო ახალაძე საქართველოს სახალხო დამცველს ნინო ლომჯარიას მიმართავს.
“მეგა ტვ” პოსტს უცვლელეად გთავაზობთ:
“გთხოვთ სასწრაფოდ გააკეთოთ განცხადება და გამოხატოთ თქვენი დამოკიდებულება, ქალაქ თბილისში რუსთაველის გამზირზე, წესრიგის დამცველის მიმართ,”ერთიანი ნაციონალური მოძრაობის” ლიდერის გრიგოლ ვაშაძის მხრიდან ყოვლად მიუღებელი და შეურაცხმყოფელი ქმედების – ფიზიკური ძალადობის ფაქტის გამო.
სიმართლე გითხრათ ველოდი,რომ თქვენს მიერ, ეს სამარცხვინო ინციდენტი,რომლის ამსახველი კადრებიც ნახა ფართო საზოგადოებამ, როგორც საქართველოში, ასევე მის ფარგლებს გარეთ, უეჭველი იქნებოდა საჯაროდ დაგმობილი და თქვენ მოუწოდებდით სამართალდამცავ ორგანოებს,ამ ფაქტით დაინტერესებისა და შესაბამისი ზომების გატარების აუცილებლობის თაობაზე.
გთხოვთ,დაამსხვრიოთ საზოგადოებაში თქვენს მიმართ გამყარებული მოსაზრება იმის შესახებ,რომ თქვენ ემსახურებით საზოგადოების მხოლოდ გარკვეული სეგმენტის ინტერესებს,რაც არსებითად ეწინაათმდეგება მოსახლეობის უმრავლესობის მოთხოვნებს.
კიდევ ერთჯერ გთხოვთ და მოგიწოდებთ საჯაროდ დაგმოთ გრიგოლ ვაშაძის დანაშაულებრივი და შეურაცხმყოფელი მოქმედება.” – წერს ალეკო ახალაძე თავის ფეიბუკ გვერდზე.
შეგახსენებთ “ნაციონალური მოძრაობის” ლიდერმა გრიგოლ ვაშაძემ რუსთაველზე მიმდინარე აქციის დროს სპეცრაზმელს ფიზიკური შეურაცხყოფა მიაყენა.
