რუსეთში მოღვაწე ქართველ მომღერალს დიანა ღურწკაიას რუსეთის სახალხო არტისტის წოდება მიანიჭეს. ღურწკაია ამ შესაძლებლობებისთვის რუსეთს მადლობა უხდის და ამბობს, რომ რუსეთი არის ქვეყანა, „სადაც გერმანელი ქალი შეიძლება გახდეს დიდი რუსი იმპერატრიცა, ებრაელი შეიძლება გახდეს დიდი რუსი მეცნიერი, სომეხი შეიძლება გახდეს საყვარელი კომპოზიტორი, აზერბაიჯანელი შეიძლება იყოს ეპოქის ხმა და უსინათლო ქართველ გოგონას შეუძლია რუსეთის სახალხო არტისტი გახდეს“.
„როცა ბრმა ბავშვი იბადება ან ზრდასრული მხედველობას კარგავს, ეს დიდი ტრაგედიაა. ჩემს ოჯახშიც ასე იყო. მაშინ ვერავინ წარმოიდგენდა, რომ ათწლეულების შემდეგ მე ვიქნებოდი აქ, კრემლში, მივიღებდი უმაღლეს მხატვრულ ჯილდოს.
ჩემს ცხოვრებაში ბევრი დიდი სირთულე იყო: დიდი ოჯახი, სკოლა-ინტერნატი, აფხაზეთის ომის შემდეგ ლტოლვილთა ბანაკი, მაგრამ იყო და არის დიდი ბედნიერება: ჩემი საქმე, სოციალური ინტეგრაციის ცენტრი, რომელიც ეხმარება შშმ ბავშვებს, ჩემი შვილი და ჩემი ოჯახი.
მინდა, მადლობა გადავუხადო რუსეთს, სადაც გერმანელი ქალი შეიძლება გახდეს დიდი რუსი იმპერატრიცა, ებრაელი შეიძლება გახდეს დიდი რუსი მეცნიერი, სომეხი შეიძლება გახდეს საყვარელი კომპოზიტორი, აზერბაიჯანელი შეიძლება იყოს ეპოქის ხმა და უსინათლო ქართველ გოგონას შეუძლია რუსეთის სახალხო არტისტი გახდეს.
და, როგორც ჩანს, როდესაც ჩვენ გვჭირდება დახმარება, თეთრი ხელჯოხის მქონე ადამიანებს, ჩვენ ყველანი მზად ვართ და დავეხმარებით ჩვენს შრომას, შემოქმედებითობას და გულწრფელ სიყვარულს“, – წერს ღურწკაია.
წყარო:PIA.GE
