გამოცემა The Indian Express-ის ინფორმაციით, ნიდერლანდელმა მეცნიერებმა ადამიანის თავის ქალაში, ცხვირ-ხახის არეში, ახალი ორგანო აღმოაჩინეს – სანერწყვე ჯირკვლები, რომლებიც ყელის ზედა ნაწილში მდებარეობს.
მკვლევარებმა ახალ აღმოჩენას „ტუბარალური ჯირკვლები” უწოდეს. ჯერჯერობით გაუგებარია, კლასიფიცირდება თუ არა ეს ჯირკვლები მცირე ჯირკვლების კონგლომერატად, როგორც ძირითადი ჯირკვალი, ცალკეული ორგანო ან ორგანული სისტემის ახალი ნაწილი.
„ნიდერლანდების კიბოს ინსტიტუტის მკვლევარებმა აღმოაჩინეს სანერწყვე ჯირკვლების ახალი ადგილმდებარეობა, რაც, მათი აზრით, კარგი ამბავია თავისა და კისრის სიმსივნის მქონე პაციენტებისთვის, რადგან სხივური-თერაპიის სპეციალისტები, ონკოლოგები შეძლებენ ამ ადგილის გვერდის ავლით, მკურნალობის დროს რაიმე გართულებების თავიდან აცილებას.
მკვლევარებს მიაჩნიათ, რომ ეს ჯირკვლები იქნება მსხვილი სანერწყვე ჯირკვლების მეოთხე წყვილი. (ნიდერლანდების კიბოს ინსტიტუტი) მკვლევარებმა თავიანთი დასკვნები აღწერეს გასულ კვირას ჟურნალ Radiotherapy and Oncology-ში გამოქვეყნებულ სტატიაში.
როგორ მივიდნენ მეცნიერები ახალ აღმოჩენამდე?
როდესაც მკვლევარებმა, რომლებიც იკვლევენ რადიაციულ გვერდით მოვლენებს თავის არესა და კისერზე, შესწავლა დაიწყეს ახალი ტიპის სკანირებით, აღმოაჩინეს ორი „მოულოდნელი” ადგილი, რომლებიც ანათებდნენ ნაზოფარინქსის უკანა ნაწილში. ეს ადგილები ჰგავდა ცნობილ მსხვილ სანერწყვე ჯირკვლებს.
ადამიანის სხეულში, სანერწყვე ჯირკვლის სისტემას აქვს სამი დაწყვილებული ძირითადი ჯირკვალი და 1000-ზე მეტი უმნიშვნელო ჯირკვალი, რომლებიც მთელ ლორწოვან გარსზეა გავრცელებული. ეს ჯირკვლები უზრუნველყოფენ ნერწყვის გამოყოფას, რომელიც აუცილებელია ყლაპვის, საჭმლის მონელების, დეგუსტაციის, და კბილების ჰიგიენისთვის.
როდესაც „ახალი ორგანო” მკვლევარებმა შეისწავლეს დაახლოებით 100 ადამიანის სკანირების გზით, მათ ნასოფარინქსის უკანა მხარეში აღმოაჩინეს ორმხრივი სტრუქტურა და ამ ჯირკვლებს ჰქონდათ სანერწყვე ჯირკვლების მახასიათებლები.
რატომ უწდეს „ორგანოს” ტუბალარული ჯირკვლები?
შემოთავაზებული სახელი ემყარება მათ ანატომიურ მდებარეობას, დანარჩენ სამ ჯირკვალს პაროტიდული, ქვედაყბისქვეშა და ქვესენოვანი ეწოდება.
რატომ მოხერხდა ამ ჯირკვლების აღმოჩენა მხოლოდ ახლა?
მკვლევარებმა აღნიშნეს, რომ ამ ჯირკვლების ადგილმდებარეობა რთულად მისაწვდომი ანატომიური ადგილია თავის ქალის ძირში, ეს არის ადგილი, რომლის ვიზუალიზაცია მხოლოდ ცხვირის ენდოსკოპიის საშუალებით არის შესაძლებელი.
გარდა ამისა, გამოსახულების ჩვეულებრივი ტექნიკა, როგორიცაა CT სკანირება, MRI და ულტრაბგერითი კვლევა, არ იძლევა ამ ჯირკვლების ვიზუალიზაციის საშუალებას.
100 პაციენტზე ჩატარებული სკანირებისთვის გამოყენებულ იქნა ახალი ტიპის სკანირების მეთოდი, სახელწოდებით PSMA PET / CT, რომელმაც უზრუნველყო მაღალი მგრძნობელობა და სპეციფიკა ამ ჯირკვლების აღმოსაჩენად.
რა არის ამ ჯირკვლების დანიშნულება?
ჯერჯერობით, მკვლევარები ეჭვობენ, რომ ჯირკვლების ფიზიოლოგიური ფუნქციაა ნაზოფარინქსისა და ოროფარნქსის დატენიანება, მაგრამ როგორც სპეციალისტები ამბობენ, ამ ინტერპრეტაციის დადასტურება საჭიროა დამატებითი გამოკვლევებით.” – ნათქვამია სტატიაში.
