27 მაისს, 13:00 საათზე, სასწრაფო სამედიცინო დახმარების თანამშრომლები ჯანდაცვის სამინისტროსთან აქციას გამართავენ.
ექიმები ხელფასების მატებას და ღირსეულ სამუშაო პირობებს ითხოვენ.
წევრმა ორგანიზაციამ პროფკავშირების გაერთიანებას იურიდიული და სხვა არსებული რესურსით დახმარების თხოვნით მიმართა.
პროფკავშირების გაერთიანება მზად არის მისი წევრი ორგანიზაციის – მედიცინის, ფარმაციისა და სოციალური დაცვის მუშაკთა პროფკავშირის და მისი წევრების მხარდასაჭერად.
მივიჩნევთ, რომ დასაქმებულთა ინტერესების დაცვა მთავარი პრიორიტეტია და მზადყოფნას გამოვთქვამთ გამოვიყენოთ ჩვენს ხელთ არსებული ყველა ბერკეტი და რესურსი, რათა სიტუაცია დასტაბილურდეს.-ვკითხულობთ საქართველოს პროფკავშირების გაერთიანების მიერ გავრცელებულ ინფორმაციაში
