“მათი გაღიმებული სახეები მაშინვე ყინულად იქცევა და კერპები ხდებიან, თუკი რუსულად ჰკითხე რაღაც” – ამის შესახებ ჟურნალისტი გურანდა ცაგურია თავის ფეისბუკ გვერდზე პოლონეთში ვიზიტის შესახებ წერს.
“მეგა ტვ” პოსტს უცვლელეად გთავაზობთ:
“უვიზო მიმოსვლის ფარგლებში პოლონეთში ჩამოვედი მეგობრებთან ერთად და ვიდრე ქალაქ ბიდგოშჩში დავბინავდებოდით, მოგვეცა საშუალება მთელი ორი დღე კრაკოვსა და პოზნანში ტურისტებად ვყოფილიყავით…
ამბავს მიტომ ვყვები, რომ პირველი, რაც იოლი შესამჩნევია, ესაა პოლონელების ჩასულებისადმი ურთიერთობის ფორმა: სასწაული რიტმით დადიან აქაურები, თავიანთ უფლებებს შინაგანი თავისუფლებით დააფრიალებენ, მათი უმრავლესობა მაღალი, ლამაზი და ჰაეროვანია, ამ ეტაპზე გარუჯულ-შეფერილები… ჰოდა, მათი გაღიმებული სახეები მაშინვე ყინულად იქცევა და კერპები ხდებიან, თუკი რუსულად ჰკითხე რაღაც
გერმანული ენის გამართულად ცოდნა კი გამომადგა ბევრთან საუბარში, მაგრამ აუცილებელი გახდა ნებისმიერ მათგანთან ურთიერთობა ამ ეტაპამდე დავიწყოთ ასე:
,,ჩვენ არ ვართ რუსები!!!!!
ჩვენ ქართველები ვართ!!!!!!” … __
ჰოდა, წამში იშლება სიცივე, ყინული დნება მათ სახეებზე და გპასუხობენ, გასწავლიან, ზოგიერთები ქართველებივით გულიანად გარიგებენ, თუმცა იგივე ქართველებივით არავის ეგებიან ფეხქვეშ _ სიტყვა ,,რუსი” მათთვის რუსულად მოსაუბრე უცხოელებთან დუმილი, ტკივილიანი წარსული და მათ გარეშეც მშვენივრად მიმდინარე აწმყოა …
თუ ვინმე იტყვით ასე მალე რა გაიგო პოლონელ ერზე ასეთიო, გიპასუხებთ: ამ სამ დღე-ღამეში, როცა 3 საათიც არ გვიძინია, დავდივართ დიდი ქალაქების კრაკოვის, პოზნანისა და ბიდგოშჩის ქუჩებში, სუპერმარკეტებში, ერთ-ორ მუზეუმსაც ვესტუმრეთ და კლინიკებთანაც მოგვიწია ურთიერთობა, თანაც ძალიან კარგად ვსწავლობდი და დღემდე ვსწავლობ მსოფლიო ქვეყნების ისტორიებს, ერთ წამშია შესაძლებელი იმის მიხვედრა, რასაც ზოგიერთები მთელი ცხოვრება ვერ ხვდებიან…” – წერს გურანდა ცაგურია
