გამოცდების ეროვნული ცენტრი გაგაცნობთ თამარ კლდიაშვილი-ლიკლიკაძეს, რომელიც ქუთაისის პირველ საჯარო სკოლაში გახსნილი საგამოცდო ცენტრის ექთანია:
„ქუთაისის პირველ საჯარო სკოლაში ბევრი ბედნიერი წელი გავატარე – სკოლის ექთანი ვიყავი, სანამ ეს შტატი გაუქმდებოდა. მომხდარიდან ძალიან მცირე დროში ამავე სკოლაში გახსნილი საგამოცდო ცენტრის ექთანი გავხდი და სამსახურის დაკარგვა შეიძლება ითქვას, რომ არ მიგვრძნია… ჩემს საყვარელ სკოლაში ხელმეორედ დავბრუნდი – ეს ჩემთვის ნამდვილი დღესასწაული იყო.
მრავალი მიზეზი შემიძლია ჩამოგითვალოთ, რის გამოც ბედნიერებაა აქ მუშაობა – პირველ რიგში, განსაკუთრებული ადამიანები არიან ჩემ გარშემო. ხალისით ვურთიერთობთ, ხალისით ვხვდებით აპლიკანტებს, მუდმივად ვზრუნავთ სხვებზეც და ერთმანეთზეც…
სიტყვა მზრუნველობა ტყუილად არ მიხსენებია – ეს ჩემი პროფესიის ნაწილია. გარდა იმისა, რასაც თითოეული თქვენგანი ექთნის მთავარ საქმედ და ვალდებულებად მიიჩნევს (მაგ., ცენტრში მოსული გამოსაცდელისათვის საჭიროების შემთხვევაში წნევის გაზომვა, წამლის მიცემა და ა. შ.), ცენტრის სამედიცინო პერსონალს ყველაზე მთავარი გვევალება – სიტყვას ხომ დიდი ძალა აქვს და არც ისე იშვიათად ჩვენ სწორედ სიტყვით ვარჩენთ. ვცდილობთ, აპლიკანტებს რაღაც ისეთი ვუთხრათ, რითაც საგამოცდო ღელვას დავავიწყებთ. მოგეხსენებათ, ქუთაისელებს განსაკუთრებული იუმორის გრძნობა გვაქვს და ვფიქრობ, ესეც ძალიან გვეხმარება…
რამდენიმე დღის წინ ერთ-ერთი გოგონა, რომელიც გამოცდას აბარებდა, მაღალი ემოციური ფონის გამო ცუდად გაგვიხდა. რა აღარ ვცადეთ: სხვადასხვა სამედიცინო პროცედურა, დამამშვიდებელი – მაინც სულ გაყინული იყო… კანკალებდა, ვერაფრით გავათბეთ. ბოლოს გადავწყვიტეთ, მისთვის ცხელი ჩაი მოგვემზადებინა – პირი არ დააკარა.
„კარგი, რა! 2 კოვზი შაქარი მაქვს ჩაყრილი და ამის ისე დატოვება იქნება-თქო?“ – ვუთხარი. ისეთი სიცილი აუტყდა, სულ გადაავიწყდა ავად ყოფნა და გამოცდაზეც სრულიად დამშვიდებული შევიდა.
განსაკუთრებულად ბევრი კურიოზი იმ წელს უკავშირდება, როცა ქუთაისის პირველ საჯარო სკოლაში გახსნილი საგამოცდო ცენტრის ექიმი ჩვენი დროის „დიმიტრი გელოვანი“ გახლდათ – გიორგი მხეიძე – ძალიან სიმპატიური, გონიერი, კეთილშობილი, არაჩვეულებრივი ახალგაზრდა. გამორჩეული გარეგნობის გამო შეუძლებელი იყო ყურადღების მიღმა დაგრჩენოდათ. მინდა გითხრათ, რომ იმ წელს ჩვენს ცენტრში მნიშვნელოვნად იყო გაზრდილი გოგონების მომართვიანობა, სამაგიეროდ, არც ერთხელ დაგვჭირვებია მედიკამენტით დახმარება – გიორგის გაღიმებისთანავე კარგად ხდებოდნენ.
უკვე ათი წელია ამ ცენტრში ვმუშაობ და გამოსაცდელის კლინიკაში გადაყვანის საჭიროება დღის წესრიგში თითქმის არასოდეს დამდგარა – ცხადია, ამას მხოლოდ სიტყვის ძალით ან იუმორით ვერ შევძლებდით. სამედიცინო პერსონალი ყველა შესაძლებელი გზით ვცდილობთ, რაც შეიძლება მოკლე დროში გამოსაცდელი ისე გამოვაჯანმრთელოთ, რომ გამოცდას არ გამოეთიშოს – როცა ამას ვახერხებთ, ყველაზე ბედნიერები ვართ.
ყველა იმ აპლიკანტს, რომლებსაც მე შევხვედრივარ ან მომავალში შევხვდები ჯანმრთელობას, სიხარულსა და წინსვლას ვუსურვებ! “
იტალიაში, სან დორლიგო დელა ვალეში დააკავეს ქართველი, რომელიც მიგრანტები უკანონოდ გადაყვანაშია ეჭვმიტანილი. იტალიური მედიის ინფორმაციით, პოლიცია აედევნა ეჭვმიტანილს, რა დროსაც ქართველმა მანქანის მართვაზე კონტროლი დაკარგა და გზიდან გადავარდა. მედიის ცნობით,...
სუპერლიგის მოყვარულებისთვის უცხო არ არის ის ფაქტი რომ მეოთხედფინალში "ქუთაისი 2010"-მა "რაშს" უმასპინძლა და ორივე შეხვედრაში გამარჯვება მოიპოვა. "სანამ ჩამოვიდოდით დარწმუნებულები ვიყავით რომ რთული თამაშები გველოდებოდა ,იქედან გამომდინარე რომ ქუთაისმა...
აჭის წმინდა გიორგის ეკლესია - კულტურული მემკვიდრეობის უნიკალური ფერწერით გამორჩეული ძეგლის მდგომარეობა საყურადღებოა - ამის შესახებ სოციალურ ქსლეში ,,ევროპა ჩვენი სახლია" წევრი თორნიკე ბარათაშვილი წერს. ,,სოფელი აჭი, ექვთიმე თაყაიშვილის მშობლიური...
დღეიდან, 25 აპრილიდან ვენეციაში შესვლა ფასიანი ხდება. ქალაქში შესასვლელი ბილეთის ფასი 5 ევრო (5.3 დოლარი) იქნება. ამის შესახებ ინფორმაციას France 24-ი ავრცელებს. აღნიშნული გადაწყვეტილების შემდეგ იტალია გახდება პირველი ქვეყანა, რომელიც...
2024 წლის პირველ კვარტალში საქართველოდან უცხოეთის 54 მოქალაქე გააძევეს - ამის შესახებ აღნიშნულია შინაგან საქმეთა სამინისტროს სტატისტიკურ მონაცემებში. წელს საქართველოდან გაძევებულ მოქალაქეთა რაოდენობის მიხედვით, პირველ ადგილს 11 მოქალაქით, ერაყი იკავებს....
წელს უცხოეთიდან რეადმისიის ფარგლებში უნებართვოდ მცხოვრები საქართველოს 1 015 მოქალაქე დააბრუნეს - ამის შესახებ აღნიშნულია შინაგან საქმეთა სამინისტროს 2024 წლის პირველი კვარტლის მონაცემებში. როგორც ოფიციალური მონაცემებიდან ირკვევა, საანგარიშო პერიოდში ყველაზე...
გერმანიაში დაგეგმილი ევრო 2024-ის მატჩებზე დამსწრეთა დიდი მოთხოვნის გამო, ავიაბილეთები აღარ არის - ამის შესახებ „პალიტრანიუსისა“ და რადიო „პალიტრას“ გადაცემაში „საქმე“ „გამყვანი ტურიზმის ასოციაციის“ თანადამფუძნებელი და „კლარკ რობინსის“ აღმასრულებელი დირექტორი...
საქართველოში გადასახადების შემდგომი საშუალო თვიური სუფთა ხელფასი 1 300 ლარია. მსოფლიოში ყველაზე დიდ მონაცემთა ბაზის Numbeo-ს რეიტინგში 96 ქვეყანას შორის საქართველო საშუალო ხელფასის ოდენობით 71-ე ადგილზეა. ინფორმაციას "ბიზნესპრენიუსი" აქვეყნებს. შედარებისთვის:...
ევროპარლამენტში, დღეს, საქართველოში „უცხოური აგენტების” კანონპროექტთან დაკავშირებით, რეზოლუციაზე კენჭისყრა გაიმართება. ამის შესახებ ინფორმაცია ევროპარლამენტის ოფიციალურ ვებგვერდზეა გავრცელებული. კერძოდ, “საქართველოში უცხოური აგენტების კანონის ხელახლა შემოტანის მცდელობებსა და სამოქალაქო საზოგადოებაზე მისი შეზღუდვების...
25 აპრილს ქუთაისში +36 გრადუსი და უნალექო დღეა მოსალოდნელი, ღამით კი +25 გრადუსი იქნება. ოზურგეთშიც დარია. დღისით +35 გრადუსი დაფიქსირდება, ღამით კი +23. ბათუმში დღისით ჰაერი +36 გრადუსამდე გათბება, ხოლო...