ირაკლი ოქრუაშვილი პოლიტპატიმარია, ეს მე მგონი, ყველასთვის აშკარაა, – ამის შესახებ ჟურნალისტებს სასამართლო პროცესის დაწყებამდე თავდაცვის ყოფილი მინისტრის, ირაკლი ოქრუაშვილის მეუღლემ, ირინა გორდელაძემ განუცხადა.
გორდელაძე იმედს გამოთქვამს, რომ „სამართლიანი მოსამართლე შეხვდებათ“.
„აქამდე რა პროცესებსაც დავესწარი, ეს იყო ფაქტობრივად ფარსი. ეტყობოდა, რომ გადაწყვეტილება წინასწარ იყო მიღებული და მხოლოდ ამის გაჟღერება ხდებოდა. არ ჩანდა, რომ მტკიცებულებების გათვალისწინება ხდებოდა. იმედი მაქვს, ეს შეიცვლება და უფრო სამართლიანი მოსამართლე შეგხვდება”, -განაცხადა გორდელაძემ.
თბილისის საქალაქო სასამართლოში თავდაცვის ყოფილი მინისტრის ირაკლი ოქრუაშვილის საქმეზე სასამართლო პროცესი დაიწყო.
