ინფრასტრუქტურის სამინისტროს მუნიციპალური განვითარების ფონდი ქუთაისის ცენტრალურ უბანში მდებარე ილია ჭავჭავაძის სახელობის საჯარო ბიბლიოთეკის რეაბილიტაციისა და რესტავრაციის სამუშაოებს იწყებს
მე-19 საუკუნის მეორე ნახევარში აშენებული საჯარო ბიბლიოთეკა ქალაქის ერთ-ერთი უძველესი საზოგადოებრივი ნაგებობაა. შენობა მნიშვნელოვან არქიტექტურულ და კულტურულ ღირებულებას ატარებს ის იმ ეპოქის ქალაქური განვითარების ერთ-ერთი გამორჩეული ნიმუშია
ბიბლიოთეკის რეაბილიტააციისა და რესტავრაციის პროექტის ფარგლებში გათვალისწინებულია შენობის კონსტრუქციული გამაგრება, არქიტექტურული იერსახის აღდგენა, შიდა სივრცეების განახლება და თანამედროვე სტანდარტების შესაბამისი საინჟინრო სისტემების მოწყობა. მოეწყობა მრავალფუნქციური სივრცეები, სადაც შესაძლებელი იქნება როგორც საგანმანათლებლო ისე კულტურული ღონისძიებების გამართვა„ქუთაისში ვიწყებთ ბევრი საინტერესო პროექტის განხორციელებას. მათ შორისაა ისტორიული შენობების რეაბილიტაცია უახლოეს პერიოდში დაიწყება პროექტზე მუშაობა და შემდგომ განხორციელება. ასევე, ქუთაისს კიდევ ერთი ახალი რეკრეაციული სივრცე შეემატება მოსწავლე ახალგაზრდობის პარკის სახით, რომლის რეაბილიტაცია უახლოეს დღეებში დაიწყება. რამდენიმე დღეში დაიწყება ქალაქისთვის ძალიან მნიშვნელოვანი ქუთაისის ცენტრალური ბიბლიოთეკის ისტორიული შენობის აღდგენაც,“ – განაცხადა ინფრასტრუქტურის მინისტრმა, რევაზ სოხაძემ ქუთაისში, ისტორიული ქუჩებისა და შენობების დათვალიერების შემდეგ
