ტელეკომპანია ,,იმედის” ეთერში ბოდბელმა მთავაეპისკოპოსმა ,,იმედი ლაივის” კითხვებს უპასუხა. მათ შორის იყო კითხვა ქვეყანაში დესტაბილიზაციის შესაძლებლობის შესახებ.
-მეუფევ შევეხოთ დესტაბილიზაციის საფრთხესაც იმიტომ, რომ საპროტესტო აქციების დროს იყო ძალიან მძიმე მომენტები, როდესაც პროვოკაციაც ხდებოდა, პარლამენტზე იყო შეტევა მაგალითად, გვახსოვს, რომ შესასვლელს უტევდნენ, რადიკალურად განწყობილი ახალგაზრდები, რა თქმა უნდა ყველა არა. იქვე ჩნდებოდნენ პოლიტიკოსები, რომლებიც მოუწოდებდნენ, რომ ახლა შეგვიძლია შევიდეთ და ასე შემდეგ. როგორ ფიქრობთ, არის თუ არა სურვილი იგივე გარკვეულ ჯგუფებში მაიდანის მოვლენების განვითარების და ამის რესურსი რამდენად აქვთ და შესაძლებლობა, თუ მიეცემათ?
-იცით, რა არის ცუდი? ცდილობენ, რომ ვიღაცა დაშავდეს და ჩვენ არ გვინდა, რომ ვინმე დაშავდეს საერთოდ, არავინ არ უნდა დაშავდეს. მაიდნის გამეორების შანსი არა აქვთ. უცხოეთმა გინდა ამათ მხარი დაუჭირონ, გარეთ იმდენი ხალხია ვინც ამათ მხარს არ უჭერს, მერე ესენი გამოვლენ. ახალგაზრდები რომ არიან, ხალგაზრდებს სიფრთხილით ვუყურებთ ჩვენ, აბსოლიტურად სიფრთხილით ვუყურებთ და მინდა ერთი რამე გაითვალისწინონ, არ ეგონოთ, რომ მათგან იდეა ისაა, რომ ,,რუსული კანონი” იძახიან, ,, რუსული კანონი”. ეს დიდი ბოროტებაა, ამას რომ იძახიან, რატოა რუსული და რატო არ არის ქართული, ამერიკული ან რატო ადარებენ მაინცა და მაინც რუსულს, მაშინ რუსეთს სისხლის სამართლის მუხლიც აქვს კანონში, მაგრამ იცოდნენ ერთი რამე, რუსეთი უკვე ჩაბმულია და ჩვენთან თუ ვინმეს არ აწყობს დღეს დალაგებული სიტუაცია, ერთ-ერთი რუსეთიც არის. ისევე, როგორც საზღვარგარეთიდან, როგორც ჩანან სხვები. არ აღმოჩნდეს, რომ რუსული საქმე გააკეთებინონ ამ ახალგაზრდებს.
კარგად შეხედონ, დაფიქრდნენ. მე გონიერება იმიტომ ვთქვი. იმიტომ რომ რუსეთის ხელს უკვე ვხედავ. ძველად საბჭოთა კავშირის დროს, იმ პერიოდიდან 77 წელსაც ვიბრძოდით, 80-იანი წლების დასაწყისშიც ვიბრძოდით, 88-89 წლებშიც იქ ვიყავით და რუსეთის ქმედებები კარგად ვიცი, პირიქით, დღევანდელი ლიდერები ვინც არიან ისინიც მახსოვს რას აკეთებდნენ, ჩვენსკენ იყვნენ, თუ საბჭოთა კავშირისკენ, ასე, რომ შეხედონ კარგად ახალგაზრდებმა, მივიდნენ სასაუბროდ, მივიდნენ პრემიერთანაც, სხვებთანაც, აუცილებელია ეს დიალოგი, აბა გაბუტულებმა მარტო გაიტანე-გამოიტანე ხომ არ არის, მასე ნებისმიერ კანონს ყოველთვის დაბლოკავენ. ახლა ის კანონიც უნდა გააქტიურდეს, პროპაგანდის შესახებ. აი, იმაზე, ვიღაცამ გვითხრას არა-არა, თავის ადგილს მივუჩენთ ყველას, ჩვენთანაც და გარეთაც. ჰოდა ალბათ, ყველაფერი ერთად უნდა განვიხილოთ.-განაცხადა ბოდბელმა მთავარეპისკოპოსმა მეუფე იაკობმა ,,იმედი ლაივის” ეთერში.
