სპეციალისტები განცხადებით, თურქეთი ბოლო ათწლეულის განმავლობაში ყველაზე მასშტაბურ ხანძარს ებრძვის.
ცეცხლი პირველად, 28 ივლისს თურქეთის სამხრეთ ნაწილში, ანტალიის პროვინციაში მდებარე ტყის მასივში გაჩნდა. ტყეში გაჩენილი ხანძარი ძლიერი ქარის გამო ქალაქ მანავგატშიც გავრცელდა. ცეცხლმა გაანადგურა უამრავი შენობა და ავტომობილი.
29 ივლისის დილით ტყის ხანძრის კიდევ ერთი კერა ანტალიის პროვინციის აკსეკის რეგიონში გაჩნდა. მოგვიანებით, ხანძარი 16 ლოკაციაზე, მათ შორის გავრცელდა იქმელერის რეგიონში, რომელიც კურორტ მარმარისთან მდებარეობს. 29 ივლისს ტყის ხანძარი ტურისტულ ზონას მიუახლოვდა, რის გამოც ორი სასტუმროდან და ოთხი ვილიდან დამსვენებლების ევაკუაცია გახდა საჭირო. მოგვიანებით, იმავე დღეს ცეცხლი მიუახლოვდა ქალაქ ბოდრუმთან მდებარე კურორტ გუვერჩინლიკში განთავსებულ სასტუმროს, რომლის ევაკუაციაც სასწრაფოდ განხორციელდა.
