“თითებს დაგაკვნეტინებო” – წერდა გარდცვლილი შვილი დედას. როგორც გარდაცვლილის ბიძა “მეგა ტვ”-თან აცხადებს დედა-შვილს დაძაბული ურთიერთობა ჰქონდათ.
მისივე თქმით ბიჭის თვითმკვლელობის მიზეზი უცნობია და ამას გამოძიება დაადგენს. როგორც როინ ფანცხავამ “მეგა ტვ”-თან საუბრისას აღნიშნა 18 წლის ბიჭს ბოლო პერიოდიში დეპრესია ჰქონდა და სკოლაშიც აღარ დადიოდა. მისივე თქმით ბიჭს 109 ცალი აბი წამალი უპოვეს.
“რა მოხდა ჩვენს თავს არ ვიცი. შვილი იქით გვიწვენია დედა აქეთ. ჩვენც გვაინტერესებს რა ხდება. ოქროს მედალზე გადიოდა, ძალიან კარგი ბავშვი იყო, ნიჭიერი. ბოლო 3-4 თვე არ დადიოდა სკოლაში, ყველანი გაკვირვებული ვიყავით, რატომ მიატოვა სწავლა. დეპრესიული გახდა, სახლში იკეტებოდა, ვთხოვდით გამოსულიყო. დედამისმა ჩამოართვა კომპიუტერი და ტელეფონი. როგორც ჩანს დამაწყნარებელ წამლებს ყიდულობდა და წამლებიც ვიპოვეთ ცელოფანში 109 ცალი იყო. ექსპერტი გვეტყვის რა წამალია და რისთვის გამოიყენებოდა.” – აცხადებს როინ ფანცხავა.
რაც შეეხება გარდაცვლილ რძალს ხათუნა სანიკიანს, მას დღეს მთელი დღის განმავლობაში ეძებდნენ. როგორც მისმა მაზლმა “მეგა ტვ”-თან საუბრისას გადანაცხადა, მათ ქალისთვის შვილის გარდაცვალების ამბავი არ უთქვამთ:
“ჩვენ წყალტუბოში ვიყავით, ტაქსმა ჩამოიყვანა ბათუმიდან. 3 თვე გადიოდა და დარჩენილი ჰქონდა 2 კვირა, უნდა ჩამოსულიყო. ვუთხარით, რომ ბავშვი იყო ცუდად, რეანიცმაციაში და ველოდებოდით, რომ წყალტუბოში ჩამოსულიყო, მაგრამ ქუთაისში ჩამოვიდა. ტაქსისტის თქმით თავისი ტელეფონი გადააგდო. ვეძებდით მთელი დღე” – განაცხადა როინ ფანცხავამ “მეგა ტვ”-თან საუბრისას.
შეგახსენებთ 18 წლის ბიჭმა სიცოცხლე თვითმკვლელობით გუშინ წყალტუბოში დაასრულა. ის მე-9 სართულიდან გადმოხტა. დედა კი, რომელმაც შვილის გარდაცვალების ამბავი შემთხვევით გაიგო და ქუთაისში, ბუხაიძის ქუჩაზე მდებარე კორპუსის სახურავიდან რამდენიმე საათის წინ გადმოხტა.