„კომენდანტის საათი კლავს ტურიზმს” – ამის შესახებ Fcebook-ის საკუთარ გვერდზე გიდი ალექსანდრე გიორგიძე წერს და მთავრობას ტურიზმის აღდგენისთვის 8 კონკრეტული პუნქტის შესრულებას სთხოვს.
პოსტს უცვლელად გთავაზობთ:
კომენდანტის საათი კლავს ტურიზმს ის უნდა გაუქმდეს
შევუდექით ტურის განრიგის შეთანხმებას. ვიცოდი საბოლოოდ არ შედგებოდა მაგრამ მაინც მოვეჭიდე ხავსს. საბოლოოდ გადავიტანეთ ზაფხულისთვის, არავინ ჩამოვა ასეთ პირობებში.
ზღაპარია ახლა ტურიზმი, ის არ აღდგება სანამ:
- არსებობს კომენდანტის საათი!
- სანამ ქვეყანა არ გახდება კოვიდ უსაფრთხო (ვაქცინა);
- სანამ არ არსებობს კონკრეტული პროტოკოლები, რას ვაკეთებთ თუ ტურის პროცესში კოვიდი დაუფიქსირდა?
- თუ არ გაიხსნება სახმელეთო საზღვრები.
- ყველა აეროპორტში და ძირითად სასაზღვრო პუნქტებზე არ ამოქმედდება კოვიდ ცენტრები.
- კურორტებზე ვერ ხერხდება კოვიდ ტესტირება!
- რეგიონებში მოუწესრიგებელია ტესტირებები. (პირადი მაგალითი მაქვს)
- ეკონომიკის მინისტრს რკინის ქალამნები უნდა ეცვას და დადიოდეს ავიაკომპანიებთან მოლაპარაკებებზე!
და ეს ყველაფერი ელემენტარული მოსაგვარებელია თუ ნება იქნება და სწორი მენეჯმენტი. სამარცხვინო ხელისუფლება გვყავს.
და ეს ყველაფერი ელემენტარული მოსაგვარებელია თუ იქნება ნება და სწორი მენეჯმენტი. სამარცხვინო ხელისუფლება გვყავს.
P.S. კი ბატონო, ჩემი კოლეგების ნაწილი იმედიანადაა, კი იქნება რაღაც რაოდენობა, მაგრამ ძალიან ცოტა… ამიტომ ნუ ხართ ჩუმად. კომენდანტის საათი კლავს თქვენს საქმეს! სხვა დანარჩენიც, მაგრამ ეს ყველაზე მეტად. აღდგება ტურიზმი, ეკონომიკაც ცოტა ამოისუნთქებს. მოხსენით“, – წერს გიორგიძე.
