[ვიდეო] ვარლამ გოლეთიანის გამოსვლა საქართველოს პარლამენტში ნამახვანის ჰესების კასკადის შესახებ

ვარლამ გოლეთიანის გამოსვლა საქართველოს პარლამენტში ნამახვანის ჰესების კასკადის შესახებ:

“ჩვენ მივდიოდით საჯარო შეხვედრებზე, რომელიც პროცედურულად ევალებოდა სამინისტროს. ამ შეხვედრებს ქონდა პრეზენტაციული სახე, და ჩვენ ვერასდროს არსებითად ვერ ვსვამდით კითხვას. ამ შეხვედრებზე წარმოდგენილია ხოლმე სამინისტრო კომპანიასთან ერთად და გვიხსნიან რა კარგია ნამოხვანჰესის პროექტი. როცა მიდგება კითხვების დასმაზე საკითხი მუდმივად ირევა პროცესი, და ყველაფერი კეთდება რომ ჩვენ კითხვები არ გავაჭღეროთ. ასეთმა მიდგომამ შექმნა ის უსამართლობის განცდა რომლის გამოს ეს 10 000 ხელმოწერა შეგროვდა პეტიციისთვის.

ამიტომ ჩვენი ძირითადი მოთხოვნა და თხოვნა თქვენი (საპარლამენტო კომიტეტის) მისამართით არის ჩაერთოთ ამ პროცესში და თავად ნახოთ რამდენად სამართლიანად და გამჭვირვალედ მიმდინარეობს ეს პროცესი. ჩვენ არ უნდა ვიყოთ, გულწრფელად ვამბობ, მარტო დატოვებული ამ ბიუროკრატიასთან. ჩვენთვის ძნელია როცა სახელმწიფო მოხელეები მოდიან იმპერატიული ტონით გვესაუბრებიან. თქვენც უნდა აიღოთ პასუხისმგებლობა იმაზე რომ ჩვენი წუხილები რეალურად მოისმინოთ.

სიმართლის დადგენის გზა არის დისკუსია. უნდა დასხდეს ორივე მხარე, სამინისტროს მხარე და ის ექსპერტები რომელთა ცოდნასაც ჩვენ ვეყრდნობით. ეს არის სიმართლის დადგენის ერთადერთი გზა. ჩვენ რომ ასე ერთმანეთს, თქვენ თბილისიდან და ჩვენ ნამოხვანიდან, რუსეთის აგენტები ვეძახოთ, და ერთმანეთის დემონიზება მოვახდინოთ, ეს არ იქნება სწორი და დემოკრატიული მიდგომა. თუ ამ დემონიზებას გვერდით გადავდებთ და არსებითად, მართლა ჩავყვებით ამ პროცესების განხილვას, თუკი თქვენი მხრიდან იმ ფორმატის მზაობა იქნება რასაც ჩვენ გთავაზობთ, და მგონი სრულიად სამართლიან ( განხილვის) გზას გთავაზობთ, ის პროტესტი აღარ იქნება.

თუ მთავრობას მიაჩნია რომ მისი პოზიცია სწორია, მაშინ მასვე უნდა აწყობდეს რომ ჩვენ მორალურად გაგვანეიტრალოს. თუ ჩვენ არ გვექნება ეს მორალური უპირატესობა, რაც ეხლა გვაქვს – ასით ნოლი, ცალსახად შეიძლება ითქვას – მთავრობასთან მიმართებაში, თუ ამ მორალურ უპირატესობას დაგვაკარგინებთ, იქ არავინ გაჩერდება არც ერთი წამით. თუ ამ უსამართლობის განცდას არგუმენტირებულად გააბათილებს სამინისტრო, პროტესტიც შეჩერდება.

თქვენ შეიძლება ჩვენი მოთხოვნები რადიკალურ მოთხოვნებად მოგეჩვენოთ, და იკითხოთ რას ქვია რომ ჰესი არ აშენდეს და განვითარებას ხელი შეეშალოს, მაგრამ ნუ ჩათვლით ამას ცალსახა რადიკალურ ნაბიჯად. ჩვენ მზად ვართ ამაზე ვიმსჯელოთ, იმ პირობით რომ სანამ საჯარო განხილვები არ დაიწყება და სანამ არ დავუბრუნდებით იმ ნულოვან ეტაპს სადაც დავიწყებთ რეალურ საჯარო დისკუსიებს, მანამ შეწყდეს ნამოხვანში მუშაობის პროცესი რომელიც ამ წუთას ანადგურებს რიონის ხეობას. ხომ არ ვამბობთ რომ თუ გაირკვევა და ყველაფერი რიგზე იქნება მაინც შეწყდეს? სანამ ყველაფერი არ გაირკვევა და საჯარო ფორმატში არ განიხილება, მანამ შეწყდეს სამუშაო პროცესი.

დავუბრუნდეთ ნულოვან ეტაპს, ეს კი იწყება 2015 წელს როცა გაიცა ტექნიკური ნებართვა ნამოხვანჰესზე. იქ უნდა დავბრუნდეთ, საწყისს ეტაპზე იმიტომ რომ უამრავი დარღვევით წარიმართა პროცესი. ამისი გამოსწორების გზა არის თავიდან დაწყება და პროცესის სწორად წარმართვაა”