საზოგადოებრივი ჯანდაცვის ექსპერტი გიორგი ფხაკაძე სოციალურ ქსელში პოსტს აქვეყნებს, რომლითაც ვაქცინაციის საბჭოს მიმართავს:
“დღეს სინგაპურის ჯანდაცვის მინისტრის ანგარიშმა პარლამენტის წინაშე, ნათლად აჩვენა, რომ კოვიდსიკვდილიანობის უმრავლესობა (79%) არის არავაქცინირებულებში.
ასევე, ანგარიშმა აჩვენა სიკვდილიანობის დეტალური მაჩვენებელი სხვადასხვა ვაქცინების მიხედვით:
ყველაზე დაბალი სიკვდილიანობა არის მოდერნას ვაქცინირებულებში მხოლოდ 1%, და ყველაზე მაღალი კი – სინოვაკით ვაქცინირებულებში – 11%.
ცნობისთვის: მე ბუსტერი მოდერნას ვაქცინით გავიკეთე.
გაფიცებთ, საქართველოს ვაქცინაციის საბჭოზე რას აკეთებთ?! ქვეყანამ 4 კოვიდვაქცინა მიიღო და 14000-ზე მეტი ადამიანი გარდაიცვალა. დადეთ სიკვდილიანობის 2021 წლის სტატისტიკა.
ვინაიდან, ბოდიში და ამ სფეროს პროფესიონალები არცერთი არ ხართ (თქვენი ქმედებებიდან გამომდინარე), დაგეხმარებით, თუ რა უნდა დადოთ:
კოვიდგარდაცვლილთა საერთო მაჩვენებელი 2021 წელს …
კოვიდგარდაცვლილთა არავაქცინირებულების მაჩვენებელი (რაოდენობრივი და %)..
კოვიდგარდაცვლილთა სინოვაკით აცრილების მაჩვენებელი (რაოდენობრივი და %)…
კოვიდგარდაცვლილთა სინოფარმით აცრილების მაჩვენებელი (რაოდენობრივი და %)…
კოვიდგარდაცვლილთა ასტრაზენეკათი აცრილების მაჩვენებელი (რაოდენობრივი და %)…
კოვიდგარდაცვლილთა ფაიზერით აცრილების მაჩვენებელი (რაოდენობრივი და %)…
არ გვინდა ზღაპრების მოყოლა, რომ ამ ინფორმაციის შეგროვებას ბევრი დრო უნდა.
ეს ტყუილი იქნება, თუ ამას იტყვით, ვინაიდან მე ვიცი, რომ ეს სტატისტიკა გაქვთ. გაასაჯაროვეთ”, – წერს გიორგი ფხაკაძე სოციალურ ქსელში.
