“ამ რამოდენიმე დღის წინ ნოეს გადაცემაში ვიხილეთ ქ-ნი ქეთი დოლიძე, რომელმაც სხვა ამბებთან ისაუბრა ზვიად გამსახურდიას ბოლო დღეებზეც. მან განაცხადა, რომ ურთიერთობა აქვს ბესარიონ გუგუშვილთან, ფინეთში მცხოვრებ ყოფილ პრემიერთან. ასევე შემოგვთავაზა თავისი (უფრო სწორად, ბესარიონისეული) ვერსია, რომ ზვიად გამსახურდია „თვითმკვლელობამდე მიიყვანეს“
წინამდებარე წიგნი წარმოადგენს იმ კომისიის დასკვნით დოკუმენტს, რომელიც დავდეთ საქართველოს მეცხრე მოწვევის პარლამენტში, Ad hoc კომისიამ ჩემი თავმჯდომარეობით, რომელშიც სულ 11 დეპუტატი ვიყავით ყველა ფრაქციიდან.ეს წიგნი გამოიცა ჩემი წინასიტყვაობით, ძირითადი ტექსტით, ფოტომასალით, საძიებელით და სარჩევით. გამომცემლობა არტანუჯი, 2014, 407 გვერდი, გაკეთებული აქვს ინგლისური რეზიუმე.ჩვენ დავდევით ეს 365 გვერდიანი დოკუმენტი: მთავარ პროკურატურაში არსებული 9 ტომის არსებითი ნაწილი, (დღეს საქმე 18 ტომამდე გაიზარდა) ჩვენი 39 მოსმენა-გამოკითხვის სტენოგრამები და მათი დედუქციური ანალიზის შედეგები, კრიმინალისტიკური შესწავლა საკითხისა და დანართის სახით რუსეთის ფედერაციიდან მოვიპოვე როსტოვის საექსპერტო დასკვნის ტექსტი, რომელიც მიცვალებულს ექსგუმაციის შემდეგ ჩაუტარდა, იგი გადმომიგზავნა რფ-ს გენერალურმა პროკურორმა იური ჩაიკამ.ქ-ნი ქეთის გასაგონად მსურს აღვნიშნო, რომ კომისიის დასკვნით მთავარ პროკურატურას არ ჩაუტარებია არანაირი სერიოზული გამოძიება- იყო მხოლოდ საგამოძიებო პროცესის იმიტაცია. ასევე ეს არ ყოფილა არავითარი თვითმკვლელობა, არამედ ადგილი ქონდა მკვლელობას. ხოლო მკვლელობის შემსრულებელი საძიებელია იმ ჯგუფებში, რომლებიც პრეზიდენტს სამეგრელოში ფეხდაფეხ სდევდნენ – ესაა შსს-ს სპეცჯგუფი შოთა კვირაიასა და გია გულუას ორგანიზებით, ასევე უშიშროების სამინისტროს “რეალიზაციის ჯგუფი” მინისტრის მოადგილის, ავთო იოსელიანის ორგანიზებით. ის, რასაც ბესარიონი და რ. მარგველანი ყვებიან, ძალიან აცდენილია რეალობას – ბევრი დეტალის და ნიუანსის გათვალისწინებით. ამათ კიდევ ერთხელ აღარ მოვყვები.დოკუმენტი მოიწონა 2011 წლის 24 თებერვლის პარლამენტის სესიამ და ის გადაიგზავნა მთავარ პროკურატურაში, იმ 48 კაციან სიასთან ერთად, რომელნიც არ დაუბარებიათ და არ გამოუკითხავთ, არადა ფასეულ ინფორმაციებს უნდა ფლობდნენ ამ საქმეზე.
თუ კიდევაც „მიიყვანეს თვითმკვლელობამდე“, როგორც ამას ქ-ნი ქეთი აცხადებს, ესეც დანაშაულია. რატომ არ დაისაჯნენ ისინი, ვინც „მიიყვანა?“ როდესაც ჩვენი კომისია შეიქმნა, ბატონმა ბესარიონმა განაცხადა, რომ ეს კომისია ხუნტის უკანონო სტრუქტურად მიაჩნია და არ აპირებს ჩვენთან რაიმე სახის თანამშრომლობას. მისთვის საქართველოში დღემდე „ხუნტაა“, მოყოლებული 1992 წლიდან, თავად კი კანონიერი ხელისუფლებაა. ისე საინტერესოა, ქ-ნ ქეთისთან საუბრისას ბატონი ბესო „ხუნტასთან“ მის რაიმე კავშირსაც ხომ არ ხედავს.” – წერს სოციალურ ქსელში კონსტანტინე გამსახურდია.
ზვიადმა სამწუხაროდ თავი მოიკლა, ამას ამტკიცებს ბესო – ამის შესახებ რეჟისორმა, ქეთი დოლიძემ, ნოე სულაბერიძის საავტორო გადაცემაში, ტვ იმედზე განაცხადა:
“დისიდენტობა ცხოვრების სხვა ფორმაა, როდესაც დისიდენტი ხდება სახელმწიფოს მეთაური, ის დისიდენტური კუდი არ უნდა მოჰყვეს, ის სხვა მენტალიტეტია, ქუჩის, მიტინგის მენტალიტეტი. ზვიადი რომ ავირჩიეთ პრეზიდენტად, მეც მივეცი ხმა, თუმცა, მისი სისუსტეები ვიცოდი. ვიცოდი, რომ ჩვენ არ გვაპატიებდნენ ამ დამოუკიდებლობას. ბევრი შეცდომა იყო დაშვებული. მე გამოვიტირე საქართველოს ბედი, როდესაც 4 აპრილს ვნახე დიდი ლოზინგით, გაუქმდეს აფხაზეთის ავტონომია. არ შეიძლებოდა ამის გაკეთება. ჩემთვის ყველაზე დიდი ტრაგედია იყო რომ 9 აპრილს 22 ქალი დაიღუპა. როცა უწმინდესი გეუნება, რომ რეალურია ხალხი, დაშალეთ ხალხი, გამოდის ერთ-ერთი ლდიერი, გლეჯს უწმინდესს მიკროფონს და იწყებს “მამაო ჩვენოს” -აი, ამიტომ დავისაჯეთ ჩვენც. ჩვენ გავწირეთ 22 ქალი სასიკვდილოდ.
როდესაც ზვიადის დაღუპვის ამბავი გავიგე, ავქვითინდი, გინდ დაიჯერე, გინდ არა, მისი ბედი ისეთი ტრაგიკულია, მეტი არ შეიძლება.
სინანულის შეგრძნება მაქვს იმის გამო, რაც დაემართა ზვიადს. ყველაზე დიდი შეცდომა იყო, როდესაც ის ჩამოიყვანეს საქართველოში.
რამდენიც უნდა გავილანძღო, ჩემი უახლოესი მეგობარია ბესო გუგუშვილი, სულ ვეუბნებოდით, გაჩერდი, ეს ცუდად დამთავრდება, ნუ გვაცხადებთ წითელ ინტელიგენციად. ეს იყო ყველაზე დიდი შეცდომა და ზვიადს ჰქონდა იქედან შერჩენილი. უკაცრავად, მაგრამ კონსტანტინე იმდენად უყვარდა ბერიას და სტალინს, ჩოხაში აბა ერთი გაებედა ვინმე სხვას ასე წინ და უკან სიარული თბილისში. ამდენი ხალხი დახვრეტილი, გაუბედურებული, კონსტანტინეს არასოდეს შეხებიან. “ვაზის ყვავილობა” მე ხომ არ დავწერე, კაცო, კონსტანტინემ დაწერა, ხო? მოუწია კი არა, უნდოდა და დაწერა რა.
ბესო დღესაც ამბობს, ზვიადმა სამწუხაროდ თავი მოიკლა, ამას ამტკიცებს ბესო.
ჩემთან თქვა ზვიადმა, თუ შენი ქვეყნისთვის იკლავ თავს, მაშინ ეს არ ითვლება ცოდვად, ეს მსხვერპლთშეწირვააო.
ოჰ, ახალი ამბავი, რომ რუსული კვალია ზვიადის სიკვდილში, ის იმ მდგომარეობამდე მიიყვანეს, რომ იმან მოიკლა თავი.” – თქვა ქეთი დოლიძემ.
