პარიზის ზოოლოგიური პარკი თავის ახალ მკვიდრს წარადგენს. ნათელ ყვითელ წვეთს საზოგადოება 19 ოქტომბერს იხილავს, წერს როიტერი. დამთვალიერებელი ამ უჩვეულო სხეულის უნიკალურ შესაძლებლობებს გაეცნობა.
წვეთი, იგივე მრავალთავიანი ლორწო, არ არის მცენარე, არც ცხოველი და არც სოკო. მას აქვს 720 სქესი. ამას გარდა წვეთს შეუძლია დაიშალოს სხვადასხვა ორგანიზმად და შემდეგ კვლავ ერთ სხეულად იქცეს.
ითვლება რომ ერთუჯრედიანი არსება დაახლოებით მილიარდი წლისაა. პირველად მსგავსი სხეული 1973 წელს ტეხასში აღმოაჩინეს. ადგილობრივმა მცხოვრებმა ქალმა თავის ეზოში გაურკვეველი ყვითელი წვეთი დაინახა, რომელიც მოცულობაში ძალიან სწრაფად იზრდებოდა.
2016 წლის კვლევების მიხედვით ყვითელ წვეთს შეუძლია მავნე ნივთიერებების უგულებელყოფა, ლაბირინთიდან უმოკლესი გზის პოვნა და მოსალოდნელი მოვლენების განსაზღვრა. მრავალთავიანი ლორწოსთვის ბუნებაში ყველაზე კარგი ადგილია ევროპის ტყეები, მისთვის საუკეთესო ტემპერატურაა 19-25 გრადუსი.
სანამ წვეთი ზოოპარკში დასახლდებოდა, ის სინჯარაში მოათავსეს და შვრიით კვებავდნენ. მას შემდეგ რაც მან განსაზღვრულ ზომას მიაღწია ხის ქერქზე მოათავსეს, რომლითაც ახლა იკვებება. ყვითელი წვეთი ტერარიუმშია განთავსებული. წვეთს ტენიანი ჰაერი მოსწონს, ამიტომ გვალვა მისი მთავარი მტერია.
ზოოპარკის წარმომადგენლები აცხადებენ რომ ერთუჯრედიან არსებას სახელი “წვეთი” 1958 წლის საშინელებათა ფილმის “წვეთი” საპატივცემულოდ დაარქვეს. ფილმში პატარა უცხოპლანეტელი არსება პენსილვანიას იპყრობს.
