” ენკამ “კრიზის მენეჯმენტი” ჩართო.
მართალია, ეს ძალიან გვიან გააკეთა, მაგრამ რომ არა რიონის ხეობის მცველების თანმიმდევრული, მშვიდი და განდისეული მიდგომა ასეთი დიდი კომპანიის გამოწვევა ვერ მოხდებოდა.
კრიზის მენეჯმენტის ამოქმედებით “ენკა რენიუვებლზი” ადასტურებს, რომ მას კრიზისული ვითარება აქვს.
ვინც იცის, რა არის კრიზისს მენეჯმენტი, ეცოდინება, რომ გავრცელებული თვალსაზრისით, იგი 4 ეტაპისგან შედგება: საწყისი ფაზა, გამწვავების ფაზა; ქრონიკული მდგომარეობა და კრიზისის გადაწყვეტა.
კომპანიისთვის კრიზისი მხოლოდ მეოთხე სტადიაზე გახდა შესამჩნევი.
1. ხანგრძლივი დროით შეფერხდა მოსამზადებელი სამუშაოები და გრაფიკის ცვლილება მინიმუმ 1 წლით მოუწიათ (რაც, ბუნებრივია, უძვირებთ პროექტს); 2. მთავრობის მიერ “ხრიკებით” მიზნის მიღწევის წარუმატებლობა; 3. მრავალათასიანი აქციები, რომლის მიმართ (რაც არ უნდა კარგად ნიღბავდეს მთავრობა) მოწყვლადია, მითუმეტეს გაჩაღებულ პოლიტიკურ კრიზისში და მთავრობის შიგნით მიმდინარე ბრძოლების ფონზე; 4. ვალიდაციის პროცესზე იძულებით დათანხმება (ხუმრობად მეჩვენება რომ კომპანია ასეთ რაიმეს თანხმდება ნებით); 5. თურქი დირექტორის ჩანაცვლება ეთნიკურად ქართველით თურქულ კომპანიაში; 6. თამაში კომპანიის იდენტობასთან მიმართებით- ჯერ თურქული კომპანიაო, მერე თურქულ-ნორვეგიული და ბოლოს ნორვეგიულ-თურქული; და ასე შემდეგ.
სხვათაშორის, საკმაოდ სახიფათო განცხადებებზე წავიდა კომპანია, როდესაც დასდო ბრალი “მწვანე ალტერნატივას” რუსულ კვალში. 1. ეს ნიშნავს იმას, რომ ენკა ფლობს გარკვეულ საიდუმლო ინფორმაციას, რომელიმე სპეცსამსახურების მეშვეობით, რომლებიც მოქმედებენ საქართველოს ტერიტორიაზე, საქართველოს მთავრობის მიღმა ან უშუალოდ მთავრობა აწვდით ამ საიდუმლო ინფორმაციას უცხო კომპანიას. ამიტომ თუ ეს ეჭვი დაიბადება “ენკაზე” საქართველოს მოქალაქეს ამ მცდელობამ ისევ ენკას და მთავრობის საწინააღმდეგოთ შეიძლება იმუშავოს. ზოგადად კომპანიის მხრიდან მხოლოდ ხმამაღალი განცხადებები “რუსების ჰიბრიდული ომის აგენტობაზე” არ წარმოაჩენს სერიოზულს თვითონ კომპანიას, რომელც მრავალმილიონიან პროექტებს “დემოკრატიულ” რუსეთში ახორციელებს.
თუ მართლაც კრიზის მენეჯმენტი ჩართო ენკამ, ჩემის აზრით ის უახლეს პერიოდში შემდეგს მოიმოქმედებს.
დაშვება:
კრიზის მენეჯმენტის მიზანია მაქსიმალური ღიაობა, სწრაფი კომუნიკაცია მოსახლეობასთან და მედიასთან, თავის დანახება რომ ის მზრუნველია, არაფრის ეშიანია, ყველაფერზე პასუხი აქვს და ა.შ. (რეპუტაციის ამაღლება მოსახლეობაში). კლასიკური მიმართლებაა.
ეს მიზანიც შეცდომაა, რადგან ის კავშირშია, იმასთან, რომ არასწორად აქვთ შეფასებული კრიზისის ფაზა.
ან მთავრობა თვითონ შეცდომაშია შესული და ატყუებთ მათ ან განგებ ატყუებს. ვინ იცის რა ხდება?!
რას გააკეთებს:
1. აქტიურ ოფისს გადაიტანს ნამოჰვანში;
2. დაიწყებს ფორსირებულ სოციალურ პროგრამებს;
3. საკუთარი თანამშრომლების უფლებებისთვის ბრძოლას გააჩაღებს (ეს უკვე გააკეთა და ესეც ნაწილია ამ კრიზის მენჯმენტის);
4. ჰქონდა წარუმატებელი მცდელობა დაეპირისპირების
5. ადგილობრივი მოსახლეობა და დაეყო ის მომხრე-მოწინააღმდეგეების ბანაკად და ამის მეორე სერიას წამოიწყებს;
6. დაყოფს ბრძოლის ველს რამდენიმე ფაქტორად. სწორედ ამ ნაწილშია ახლა: “რიონის ხეობის მცველები კარგია, ცუდია ის ვინც მათ უკან დგას”. ანუ დაიწყებს შტურმებს ფინანსების, ადამიანების, ცალკეული ორგანიზაციების დისკრედიტაციის მიმართულებით. მთავარია გააჩინონ ეჭვები და შეასუსტონ რიონის ხეობის მომხრეთა რაოდენობა. ამიტომ მალე იქნება ძლიერი შტურმი სხვადასხვა ტიპის ბრალდებების, შეფუთული ინფორმაციების და ასე შემდეგ.
7. აქტიური კომუნიკაცია მედიასთან, ერთი კონკრეტული მოლაპარაკე თავის მეშვეობით;
ამ განცხადებით ენკამ კიდევ ერთი შეცდომა დაუშვა, მან ჩრდილი მიაყენა დაგვიანებულ, მაგრამ სწორ პროცესს, როცა ეს პროცესი “მწვანე ალტერნატივის” საპირწონედ წარმოაჩინა. საკუთარივე ტექსტში ის დარწმუნებულია, რომ ვალიდაცია კომპანიისთვის წარმატებულად დასრულდება. ასეთი წინსწრები განცხადებები მხოლოდ აგდებს ნდობას ამ პროცესის მიმართ, თუ, რა თქმა უნდა, საერთოდ თვითონ უნდა, რომ ეს პროცესი კარგად წავიდეს.
ეს ვითარება არის მთავრობის დიდი შეცდომა. მან საკუთარი ამომრჩეველი დიდი ფინანსების შემძლე, უზარმაზარი გავლენების მქონე კომპანიას შეატოვა და დაივიწყა მისი კონსტიტუციური ვალდებულება.
ჩვენი პრობლემა არ არის “ენკა”, ჩვენი პრობლემაა, რომ ვცხოვრობთ ფსევდო დემოკრატიაში. ხრიკებით პრობლემას ვერ მოაგვარებ. ხრიკებით მოგებული შუახევჰესი და ბევრი სხვა წარუმატებელი ჰესი არის აკუმულირებული დღეს ნამაჰვანში, რაც ბრძოლის გამოცდილებაშია გადასული. მთავრობამ გამოზარდა და ასწავლა ხალხს მის წინააღმდეგ ბრძოლა, ასწავლა ხალხს არ ენდოს მთავრობას.
მთვარობამ გამოიწვია ხალხში უნდობლობა, რომელიც კომპანიაზეც გადადის და ამას ვერანაირი კრიზისს მენეჯმენტი ვერ გამოასწორებს.
მთავრობა არის კრიზისის წარმომშვები!
და ბოლოს მთავრობამ არ უნდა მისცეს უფლება კოპმანიას აწარმოოს მის ქვეყანაში ბრძოლა სამოქალაქო სექტორის წინააღმდეგ, რადგან ის ამ სამოქალაქო სექტორზე დგას.
ყველა პროექტი იქნება წარუმატებელი თუ მასში ყველა ეტაპზე არ არის უზრუნველყოფილი: გამჭვირვალობა, ღიაობა და გადაწყვეტილების მიღების პროცესში მოსახლეობის ჩართულობა.
განაცხადა ნუგზარ კოხრეიძემ საკუთარ Facebook ვებ-გვერდზე.
