საქართველოს ყოფილ პრემიერმინისტრზურაბ ჟვანიას გარდაცვალებიდან 16 წელი გავიდა. ოფიციალური ვერსით, ის 2005 წლის 3 თებერვალს ბუნებრივი აირის გაჟონვით – გასათბობი მოწყობილობიდან გაჟონილი მომწამვლელი ნახშირჟანგის აირით 42 წლის ასაკში, ქვემო ქართლის გუბერნატორის ყოფილ მოადგილესთან რაულ უსუპოვთან ერთად დაიღუპა.
ზურაბ ჟვანიას დაკრძალვის დღეს სამების საკათედრო ტაძარში საქართველოს პატრიარქმა, ილია II-მ ტრაგიკულად დაღუპული მაღალჩინოსანი ასე მოიხსენია:
ბატონი ზურაბ ჟვანია იყო ის ადამიანი, რომელიც გამოირჩეოდა თავისი დიდი ინტელექტით მაგრამ, ამავე დროს, დიდი რწმენით. ის იყო მუდამ პირველი, პირველი აზროვნებაში, პირველი სიკეთეში, სიკეთის კეთებაში და აი, დღესაც ბატონი ზურაბ ჟვანია არის პირველი ამ ახლად აშენებულ ტაძარში, ის პირველი დაესვენა აქ, ამ წმინდა ტაძარში, ალბათ ესეც არის ნიშანი ღვთისა, რომ იგი ახლოსაა უფალთან.“ – განაცხადა პატრიარქმა.
ზურაბ ჟვანია მწერალთა და საზოგადო მოღვაწეთა დიდუბის პანთეონშია დაკრძალული. მისი ხსოვნის პატივსაცემად 2006 წლის 9 დეკემბერს, ზურაბ ჟვანიას დაბადების დღეს, საქართველოს პარლამენტის შენობაში, პრეზიდენტის ფლიგელში ტრაგიკულად დაღუპული საქართველოს ყოფილი პრემიერმინისტრისბიუსტი გაიხსნა, რომელის ავტორი მოქანდაკე გიორგი ჭანკოტაძეა.
თბილისში არსებობს ზურაბ ჟვანიას სახელობის ქუჩა და მოედანი.
ზურაბ ჟვანიას დარჩა მეუღლე ნინო ქადაგიძე-ჟვანია და სამი შვილი: ლიზა, ბუსა და ანა.
ზურაბ ჟვანიასა და რაულ უსუპოვის გვამები თბილისში, საბურთალოს ქუჩაზე, N53-ში 2005 წლის 3 თებერვალს აღმოაჩინეს.
ექსპრემიერს ეკუთვნის ცნობილი ფრაზა – “მე ვარ ქართველი, მაშასადამე ვარ ევროპელი”. ის წელს 58 წლის გახდებოდა…
