დაავადებათა კონტროლის ცენტრის ხელმძღვანელი ამირან გამყრელიძე ამბობს, რომ ქვეყანაში კოვიდსაწინააღმდეგო აცრის მაჩვენებელი საკმაოდ დაბალია. მისივე ცნობით, ხელისუფლება და უწყებათაშორისი საკოორდინაციო საბჭო შესაბამის გადაწყვეტილებებს დღეს მიიღებს.
ამირან გამყრელიძე ამბობს, რომ ვაქცინაციის ტემპის ზრდის გარეშე პანდემია არ დამთავრდება.
“საკოორდინაციო საბჭოს სხდომაა და მთელი რიგი გადაწყვეტილებები იქნება მიღებული, რაზეც უკვე კონსესუსი არსებობს.; როგორც წამახალისებელი, ისე 60 წლის ზემოთ ასაკში და ე.წ. მწვანე პასპორტთან მიმართებით. ამ ღონისძიებებმა უნდა მაქსიმალურად გაზარდოს აცრის მოცვა ქვეყანაში. აცრის გარეშე ქვეყანაში ეს პანდემია არ დამთავრდება.
გვექნება ეს ტალღები და, სამწუხაროდ, გვექნება დიდი ადამიანური დანაკარგი”, – განაცხადა ამირან გამყრელიძემ.
