დუეტი “ასეა სულ” , რომელიც რამოდენიმე წელია არსებობს ბევრი გულშემატკივარი ჰყავს როგორც საქართველოში, ასევე მის ფარგლებს გარეთ. კომპოზიციები , რომელსაც ბათუმელი და_ძმა ასრულებს შეიცავს ჯაზის, როკის და ფოლკის ელემენტებს. დუეტი რამდენიმე კინომუსიკის ავტორია და მათივე კინომუსიკიდან 10 კომპოზიცია რეჟისორ ნანა ჯორჯაძის ნამუშევრებს ამშვენებს. მუსიკის გარდა ბექსონს რამოდენიმე გატაცება აქვს, ის ველოსიპედების და ბაიკების თვითნასწავლი კონსტრუქტორია.
პირველი მინი ჩოპერი, ჯერ კიდევ 2015 წელს შექმნა. მიღებული აქვს მონაწილეობა ისეთ გამოფენებში, როგორებიცაა ,,ექსპო-ბათუმი 2017-2018’’, ‘’Entrepreneur’s space 2018’’ თბილისი, ‘’Higher educational institutions for youth entrepreneurship’’ 2018 , სომხეთი. Winner united start-up project. Belarus. „ბექსონის“ ბრენდის ელექტრო მოტო-ველო ქალაქ მინსკში გამართული, სტრატაპერების საერთაშორისო ჩემპიონატის გამარჯვებული გახდა და ოქროს მედალი სრულიად დამსახურებულად მოიპოვა. თუმცა ბექას ნიჭიერება ამით არ შემოიფარგლება. ნაკლები სიმი- ნაკლები პრობლემაა- სწორედ ეს გამონათქვამი გახდა მორიგი შედევრის შექმნის მიზეზი რაც ბარ-გიტარას უკავშირდება, რომელიც მან ჯერ კიდევ 2 წლის წინ ექსპერიმენტის სახით შექმნა.
თავად ბარ-გიტარას “ბარაქას” უწოდებს- შექმნიდან რამდენიმე დღეში ინტერნეტ სივრცეში განთავსების შემდეგ “ბარაქას” მყიდველიც გამოუჩნდა . საგულისხმოა ის ფაქტი, რომ ბარ-გიტარის შეძენით დაინტერესებულები არიან როგორც საქართველოში, ასევე მის ფარგლებს გარეთ. ძალიან მალე ბარ-გიტარის შეძენა ამერიკაშიც იქნება შესაძლებელი. რაც შეეხება ბექას მუსიკალურ კარიერას ის 18 აგვისტოს მსმენელების წინაშე ახალი პროექტით Black Rabbit Foot წარსდგება და მის მიერ შექმნილ სასცენო კოსტუმსაც მოირგებს. წარმატებები ნიჭიერ და-ძმას ბათუმიდან.
გვერდი მოამზადა ნანა თევდორაძემ
