ქუთაისის მერიის საბინაო სამსახურის შიდა აუდიტორული შემოწმების ანგარიში გამოქვეყნდა.
სახელმწიფო შესყიდვების კუთხით დასკვნაში აღნიშნულია რომ გაუგებარია თუ რა კრიტერიუმებით უდგინდებოდათ მიმწოდებლებს სხვადასხვა ოდენობის პირგასამტეხლო, რიგ შემთხვევებში ასევე მიმწოდებელს ევალება გამოყენებული მასალების ხარისხის დამადასტურებელი სერტიფიკატების , შესრულებული სამუშაოების და გამოყენებული მასალების ხარისხის დამადასტურებელი ლაბორატორიული კვლევის წარმოდგენა , თუმცა აღნიშნული დოკუმენტები სახელმწიფო შესყიდვების ერთიან ელექტრონულ სისტემაში წარმოდგენილი არაა. ასვე სხვადასხვაგვარია მიდგომა ანალოგიურ მდგომარეობაში მყოფი სხვადასხვა ბინათმესაკუთრეთა ამხანაგობის მიმართ.
მაგალითად: 2018 წელს, კ. გამსახურდიას ქ. N12-ში ფანჩატურის ღირებულებამ შეადგინა 5 422.99 ლარი (24 კვ.მ), ხოლო უფრო მცირე ზომის, ამხანაგობა „სამთასთვის” ანალოგიურად მოწყობილი ფანჩატური (17.5 კვ.მ) დაჯდა გაცილებით ძვირი – 9 692 ლარი. აუდიტის ჯგუფისათვის გაურკვეველია, 2018 წელსა და 2019 წელს არსებული ინფლაციის გათვალისწინებითაც კი რამ გამოიწვია თითქმის ანალოგიურ ობიექტებზე ფასთა ასეთი მკვეთრი სხვაობა. წერია აუდიტის დასკვნაში.
ასვე 2017 წელს შეძენილი იქნა 310 ძელსკამი, ღირებულებით 79 998 ლარი. 55 ძელსკამთან დაკავშირებით გაფორმებულია მიღება-ჩაბარების აქტი კონკრეტული ადგილსამყოფელის მითითებით. თუმცა სხვა შემთხვევებში მიმწოდებელსა და შემსყიდველის წარმომადგენლებს (საბინაო სამსახური) შორის გაფორმდა მხოლოდ ზოგადი ხასიათის მიღება-ჩაბარების აქტი შესყიდული პროდუქციის ჩაბარების შესახებ, თუმცა კონკრეტულად სად დამონტაჟდა შესყიდული ძელსკამები დამატებითი აქტები საბინაო სამსახურს არ შეუდგენია. ყოველივე ზემოთ აღნიშნულის გათვალისწინებით, გართულებულია 2017-2019 წლებში შესყიდული ძელსკამების მდგომარეობის შემდგომი მონიტორინგი.
მაგალითად მნიშვნელოვანია დასკვნა სკეიტ პარკის შესახებ, რომლის მოწყობას ქუთაისში ახალგაზრდები დიდი ხნის განმავლობაში ითხოვდნენ. აუდიტის დასკვნაში ვკითხულობთ რომ მერიამ საპროექტო დოკუმენტაციის შედგენაზე ტენდერი გამოაქვეყნა , თუმცა ტენდერი ვერ შედგა. მოგვინებით მერიას პროექტი შპს „იბერია 2“-მა უსასყიდლოდ გადასცა. აღნიშნული პროექტი არ აკმაყოფილებდა ზემოხსენებული არშემდგარი ტენდერებით განსაზღვრულ მოთხოვნებს. ვკითხულობთ აუდიტის დასკვნაში. თუ „უსასყიდლოდ“ მიღებული პროექტი, რომელიც გამოირჩეოდა სიმარტივით, მისაღები აღმოჩნდა აუდიტის ობიექტისათვის, გაურკვეველია რატომ გახდა საჭირო სატენდერო პირობებში ისეთი პარამეტრების გათვალისწინება, როგორიცაა „ობიექტის ადგილმდებარეობიდან გამომდინარე ყველა ფიზიკო-მექანიკური, გეოლოგიური, ჰიდრავლიკური და მეტეოროლოგიური მახასიათებლები, სამუშაოს თითოეული სახის დეტალური აღწერა და ა.შ.“ ასევე უცნობია შპს „იბერია 2“-ს ჰქონდა თუ არა სკეიტ-პარკის ან სხვა მსგავსი ტიპის ობიექტის პროექტირების გამოცდილება. აუდიტის დასკვნის მიხედვით მერიის საბინაო სამსახურს ასვე ვერ წარმოადგინა სტიქიით დაზარალებულთა ბაზა/მონაცემები, რის საფუძველზეც ხდებოდა შესყიდვები, ასევე დოკუმენტები რითაც განისაზღვრებოდა კონკრეტული შესყიდვის საჭიროება, შესყიდული მასალების განაწილების ოქმები, მიღება-ჩაბარებები, რითაც დადასტურდებოდა ვისზე და რა რაოდენობით გაიცა შესყიდული მასალები.
ანგარიშის სრულად სანახავად გადადით ბმულზე: https://drive.google.com/file/d/1D1kMh8euHS3bjrPJuLb8cTE1PDtGbZPB/view
ცნობილი ხდება ვიდეო თვალის დღემდე უცნობი კადრები – გენერალ ქუთათელაძის მკვლელობა
ავტოავარია რუისპირში მძღოლმა საჭე ვერ დაიმორჩილა და შეეჯახა- ერთი ადამიანი მძიმედ დაშავდა
