კალიფორნიაში დონალდ ტრამპის წინასაარჩევნო შეხვედრის ადგილთან ახლოს მამაკაცი დააკავეს, რომელსაც დატენილი იარაღი, პრესის ყალბი საშვი და ყალბი VIP მოსაწვევი აღმოაჩნდა.
მედიის ინფორმაციით, ეჭვმიტანილი, რომელიც იდენტიფიცირებულია, როგორც ლას-ვეგასის მკვიდრი, ვემ მილერი, შეხვედრის ადგილთან ახლოს, საგუშაგოზე დააკავეს.
პოლიციამ განაცხადა, რომ მილერი, რომელსაც თან ჰქონდა დატენილი თოფი და ვაზნებით დატვირთული მაღალი ტევადობის მჭიდი, სავარაუდოდ, მემარჯვენე ანტისამთავრობო ორგანიზაციის წევრია.
მილერი დატენილი ცეცხლსასროლი იარაღისა და მაღალი ტევადობის მჭიდის გამო გააფრთხილეს და 5 000 დოლარის გირაოს გადახდის შემდეგ გაათავისუფლეს.
რივერსაიდის ოლქის შერიფმა ჩად ბიანკომ ეჭვმიტანილს “ლუნატიკი” უწოდა და დაამატა, რომ შეტაკება გავლენას არ მოახდენს ტრამპის ან აქციის მონაწილეების უსაფრთხოებაზე.
ფედერალური სამართალდამცავი ორგანოს წარმომადგენელმა CBS News-ს განუცხადა, რომ ამ ინციდენტთან დაკავშირებული მკვლელობის მცდელობა არ ყოფილა.
ფედერალური ხელისუფლება აცხადებს, რომ ისინი ჯერ კიდევ იძიებენ ინციდენტს.
