10 საათიანი აქტივობის მიხედვით ქუთაისში მოვიდა 11 097 ამომრჩეველი, რაც შეეხება იმას თუ როგორ გაიხსნა უბნები და როგორ მიმდინარეობს პროცესი, უბნები გაიხსნა დროულად, არსად არ გვქონია ისეთი შეფერხება რაც შეუშლის ხელს ამომრჩეველს იმაში,რომ მიიღონ არჩევნებში მონაწილეობა, ნებისმიერი პატარა ხარვეზები რაც იყო აქამდე გამოსწორებულია, შესაბამისად პროცესი მიმდინარეობს ძალიან მშვიდად და ამომრჩევლის საუკეთესო ინტერესის გათვალისწინებით.
რაც შეეხება იმას თუ როგორი იყო აქტივობა წინა წლებში ,მაგალითად 2020 არჩევნებზე ამ დროისთვის იყო 10 საათზე მოსული 11 214 ამომრჩეველი.
ამ დრომდე შემოსულია 4 საჩივარი, ყველა საჩივარზე გვაქვს რეაგირება და ისინი მოვიკვლიეთ, შინაარსობრივად მალე გავეცნობით მათ.
ნებისმიერ შემთხვევაში საუბნო-საარჩევნო კომისიის წევრებს აქვთ ვალდებულება დაიცვან კანონში არსებული ჩანაწერი, რომელიც გვეუბნება რომ დამკვირვებელს აქვს უფლება დააკვირდეს პროცეს, მაგრამ თუ დამკვირვებელი ან ნებისმიერი ჩართული მხარე ხელს შეუშლის პროცესს, ხელს შეუშლის ამომრჩევლის თავისუფლად ხმის მიცემის პროცესს, ამ სემთხვევაში ხელმძღვანელ პირს აქვს უფლება გააძევოს ის. თუმცა ჩვენ აუცილებლად უნდა მოვიკითხოთ მიზეზი ამ გაძევებისა. – განაცხადა ქუთაისის 59-ე საოლქო საარჩევნო კომისიის თავმჯდომარემ ლარინა ლალიაშვილმა .
