“აქცია იყო პოლიტიკურად ანგაჟირებული და ემსახურებოდა მოსახლეობის ერთმანეთთან და ადგილობრივ თვითმმართველობასთან დაპირისპირებას” – ასე ეხმაურება თერჯოლის მუნიციპალიტეტის მერია სოფელ კვახშირჭი მოსახლეობის მიერ გამართულ აქიცას.
როგორც ტერჯოლის მუნიციპალიტეტის მერიიდან იუწყებიან კვახჭირის წყალმომარაგებაში არსებული პრობლემების აღმოსაფხვრელად თერჯოლის მუნიციპალიტეტის მერიის სამსახურების, ა(ა)იპ დასუფთავებისა და კეთილმოწყობის სამსახურისა და მშენებელი კომპანიების მიერ სამუშაოები უკვე მიმდინარეობს.
“ასევე, დღეს მერიაში მერის მოვალეობის შემსრულებელმა ლაშა გოგიაშვილმა გამართა დაგეგმილი შეხვედრა გაერთიანებული წყალმომარაგებისა და მშენებელი ორგანიზაციების წარმომადგენლებთან, რომელთა მიერ მიმდინარე კვირაში ადგილზე მოხდება წყალმომარაგების სისტემაში ყველა დარჩენილი ხარვეზის დეტალური შესწავლა.
კვახჭირში წყლის სისტემის მოსაწყობად 2017-2018 წლებში 300 ათასი ლარი დაიხარჯა. სამუშაოები ტენდერში გამარჯვებულმა კომპანიებმა შპს “ლ და კ“-მ და „ჯორჯიან პლასტიკმა“ აწარმოა და წყალი 520-მა ოჯახმა მიიღო.
მიმდინარე წელს რამდენიმე უბანში მოხდა წყლის მიწოდების შეფერხება, რის გამოც მერიის სამსახურების, ა(ა)იპ დასუფთავებისა და კეთილმოწყობის სამსახურისა და მშენებელი კომპანიის მიერ უკვე თვეზე მეტია, მიმდინარეობს პროფილაქტიკური სამუშაოები ხარვეზების დადგენისა და აღმოფხვრის მიზნით.
მიუხედავად სამუშაოების მიმდინარეობისა, დღეს კვახჭირის მოსახლეობის ნაწილმა წყლის მოთხოვნით აქცია გამართა. სწორედ ეს გვაძლევს საფუძველს ვივარაუდოთ, რომ აქცია იყო პოლიტიკურად ანგაჟირებული და ემსახურებოდა მოსახლეობის ერთმანეთთან და ადგილობრივ თვითმმართველობასთან დაპირისპირებას.
ამასთან, აქციას ორგანიზებას უწევდა ახალგაზრდა იურისტთა ასოციაციის ქუთაისის ფილიალის თავმჯდომარე. იმისათვის, რომ ახალგაზრდა იურისტთა ასოციაცია არ გახდეს მოსახლეობის სამართლიანი მოთხოვნების პოლიტიკური მიზნებით გამოყენების და საზოგადოებაში დესტაბილიზაციის შეტანის მცდელობის მონაწილე, ვთხოვთ საზოგადოების თავმჯდომარეს შეისწავლოს დღევანდელი აქციის საკითხი.
კიდევ ერთხელ აღვნიშნავთ, რომ ადგილობრივი ხელისუფლება ყველაფერს აკეთებს საკითხის მოგვარებისათვის.” – ნათქვამია თერჯოლის მუნიციპალიტეტის მიერ გავრცელებულ განცხადებაში.
შეგახსენებთ მოქალაქეები კვახჭირში სასმელი წყლისა და გზის პრობლემის მოგვარებას ითხოვენ.
რაფერ უნდა დაიბანო ხელები, წყალი არ არის – კვახჭირში აქცია მიმდინარეობს