ქუთაისელმა გოგონამ ანასტასია ლელაძემ , რომელმაც ჰარვარდის უნივერსტეტში ჩააბარა. პირველკურსელტა ტალენტების შოუზე ქართული ცეკვა ჯეირანი გაიტანა და ასე გააცნო მისი ქვეყანა უცხოეთს.
“Დავფაცურდი, გავამზადე ყველაფერი და მეორე დღეს თეატრში გავიქეცი. Მარტომ ძლივს ჩავიცვი, მაკიაჟზე რაღაც ვიცოდვილე და ამასობაში კონცერტიც დაიწყო. კულისების ეკრანიდან ვუყურებდი რა სასწაულად უკრავდნენ, მღეროდნენ, ცეკვავდნენ, გადაჭედილი დარბაზი ოვაციებით რომ არ ცხრებოდა…
წამყვანებმა გამომაცხადეს – ქართული ნაციონალური ცეკვა “ჯეირანი”. Გავედი სცენაზე და გამოჩენისთანავე მაყურებელმა ტაში შემომაგება. Ამან საოცრად გამამხნევა, იმიტომ რომ ერთადერთი გამომსვლელი ვიყავი, რომელსაც ტაში შესრულებამდეც დაუკრეს. Ოღონდ ეს ჩემი დამსახურება ნამდვილად არ იყო, ამისთვის ძალიან დიდი მადლობა მინდა “მარიონელას” გადავუხადო. ( Marina Ugulava Lela Turdzeladze) ვიდეოებში და ფოტოებში ნახევარიც არ ჩანს, არადა Ქართული Კაბა სცენას ისე მოუხდა, ისეთი ეფექტური გამოდგა, რომ ცალკე აპლოდისმენტი მიიღო.
Მუსიკა შეწყდა. ბოლო პოზიციაში გავშეშდი. ჩემთვის უსასრულო და სინამდვილეში ორწამიანი პაუზის შემდეგ, დარბაზი ტაშის ხმამ გაავსო და აუდიტორია ფეხზე წამოდგა. უბედნიერესი ვიყავი – მსოფლიოს ერთ-ერთ გამორჩეულ ადგილას ასობით უცხოელი ფეხზე იდგა და ქართულ კულტურას ტაშს უკრავდა!
Კონცერტის შემდეგ, თეატრიდან ჩემს ოთახში მიმავალს ყველა ნაცნობი და უცნობი მილოცავდა. Რა მაგარი იყოო, ქართული ცეკვა რა ლამაზი ყოფილაო, მეუბნებოდნენ. ეს მართლა ნაციონალური კაბააო, მეკითხებოდნენ… მეგონა მეორე დღეს ვეღარ მიცნობდნენ, მაგრამ დაახლოებით 10 დღე იგივე მეორდებოდა. Თან ისეთ რაღაცებს მეუბნებოდნენ, მათ ემოციებს სიყალბეს ნამდვილად ვერ დასწამებდი. Უცნობი მეუბნება, Სამი კაცი ერთად გიყურებდითო, ერთანეთს ვეჯიბრებოდით ხელის მოძრაობებს შენსავით ვინ გააკეთებდა და ვერაფრით ვშვრებოდითო… ერთმა მითხრა, ისეთი ილეთები იყო და კაბა ისე მოძრაობდა ადამიანს ეგონებოდა, მოცეკვავე წყალზე ლივლივებსო…
Ეს ყველაფერი, რა თქმა უნდა, ძალიან სასიამოვნო მოსასმენი იყო, მაგრამ ამ ამბავში სხვა რამე უფროა მნიშვნელოვანი. Კონცერტის შემდეგ დღემდე, ახალ ადამიანს როცა ვიცნობ, აუცილებლად ვიღებ კითხვას – შენ ხომ არ ხარ ის გოგო, ტალანტ-შოუზე ქართული ცეკვა რომ იცეკვაო. თითქოს პატარა რამეა, მაგრამ მანამდე რომ ვიტყოდი საქართველოდან ვარ-მეთქი, ბევრმა არ იცოდა ასეთი ქვეყანა საერთოდ თუ არსებობდა. Ახლა კიდევ პირიქითაა, იგივე ხალხი ზუსტად იმით მცნობს, რომ ქართველი ვარ…”-წერს ანასტასია .
