ყველის შენახად წათხი თითქმის ყველა ოჯახში მზადდება. დიასახლისები ყოველთვის ყურადღებით ინიშნავენ კარგი წათხის რეცეპტებს, რადგან შენახვისას ყველს გემოს შეცვლა ახასიათებს. კარგი წათხი კი ამ უსიამოვნებას აგარიდებთ თავიდან.
წათხის მომზადების გავრცელებული წესი ასეთია :
სამი ლიტრი წყალი აადუღეთ, დაამატეთ 1 კილოგრამი მარილი და ნახევარი ჭიქა შაქარი. ადუღეთ 10 წუთი და მდუღარე დაასხით ქილებში გამზადებულ ყველს. რაც მოგრჩებათ, არ გადაღვაროთ, ყველი იშრობს წყალს და დილით იგივე წათხი დაამატეთ, მჭიდროდ მოარგეთ ქილას თავსახური ან მოხუფეთ.
ასეთი ყველი სულგუნის გემოს იღებს და დიდხანს ინახება.
ამ სახით შეგიძლიათ სულგუნიც შეინახოთ.
საკმარისია, დასაწყისისათვის 1 ქილა შეინახოთ, რომ ყოველ წელს ზამთრისათვის თადარიგს აუცილებლად დაიჭერთ. გახსოვდეთ, ზაფხულში ყველი შედარებით იაფია , სასარგებლოც და უფრო გემრიელიც. მინის ქილები კი გემოს უკეთესად ინარჩუნებს, ვიდრე პლასტმასი და ეკოლოგიურადაც უფრო ჯანსაღია.
