მერის გულწრფელობას გამოვარჩევდი. “არ მაინტერესებს ისტორია, არ მაინტერესებს არქიტექტურა…” – ასე დაიწყო მან შეხვედრის შეჯამება – წერს სოციალურ ქსელში “ოქროს ჩარდახის” საინიციატივო ჯგუფის წევრი ფოკი ფაჩულია და საფრთხის ქვეშ მყოფი ისტორიული ძეგლის შესახებ მერიაში გამართულ შეხვედრას ეხმიანება.
“11 აგვისტოს, მოთხოვნიდან 4 თვის (!) თავზე, ქუთაისის მერიაში შეხვედრა შედგა.
შეხვედრის მოდერაცია გუბერნატორმა – ზვიად შალამბერიძემ, აიღო თავის თავზე. მერს, საკრებულოს თავჯდომარეს და სხვებს საამისოდ მოტივაცია არ ეყოთ.შეხვედრა მერია-საკრებულოს (მერი, ვიცე-მერი, არქიტ. სამსახური) გარდა, ვესწრებოდით “ოქროს ჩარდახის” საინიციატივო ჯგუფი, მოწვეული სპეციალისტები – მაია მანია და ირინე ელიზბარაშვილი, პროექტის ავტორი, 2 დამოუკიდებელი არქიტექტორი, არქივის დირექტორი.წარმოდგენილი იყო ყველა პრობლემური ნაწილი, რისგანაც პროექტი შედგება.მოვისმინეთ პროექტის ავტორის პოზიცია – რაც დამიკვეთეს ის გავაკეთე.პროექტი დამტკიცებულია კულტ. მემკვიდრეობის ურბანისტიკის საბჭოს მიერ (8 – მომხრე, 2 – წინააღმდეგი). შუა საუკუნეების საბჭოს პროექტი არც გადაეცა განსახილველად.შეხვედრა დასრულდა დაპირებით, რომ გუბერნატორი მიმართავდა (საკრებულოს თავჯდომარემაც შეიცვალა პოზიცია შეხვედრის მიმდინარეობისას და მანაც გამოთქვა მზაობა) კულტ. მემკვიდრეობის საბჭოს, რათა სამუშაო შეხვედრის ფორმატში მათთან ერთად განგვეხილა საფრთხეები, რასაც არსებული პროექტი შეიცავს.დღეს 22 სექტემბერია და გუბერნატორისგან პასუხი მივიღეთ – საბჭოს არ სურს პროექტის განხილვა, რადგან უკვე დამტკიცებული აქვს.პ. ს.: 11 აგვისტოს შეხვედრაზე ბევრი რამე გამოიკვეთა ნათლად, მაგრამ მე მაინც მერის გულწრფელობას გამოვარჩევდი. “არ მაინტერესებს ისტორია, არ მაინტერესებს არქიტექტურა…” – ასე დაიწყო მან შეხვედრის შეჯამება. თავს თბილისთან, და არა მოსახლეობასთან, ანგარიშვალდებულად მიიჩნევს.
ყველა უფლებამოსილი პირისგან, სხადასხვა ვარიაციით გაჟღერდა – შენობა ღარიბულია, სირცხილია, მდიდრული უნდა გავხადოთ.” – წერს სოციალურ ქსელში ფოკი ფაჩულია.
“ბოდიში და ამ ..l… ბას რომ ააშენებენ ქალაქის ცენტრში და შენ ამაზე ხმას არ ამოიღებ, მერე პრეტენზიები არ უნდა იყოს ქალაქის სიყვარულზე.
ბირჟის მუშების დონის კომპანია აკეთებს მხოლოდ ქუთაისის კი არა საქართველოს ეროვნული მნიშვნელობის ძეგლის რეკონსტრუქციას.
ჩვენმა მერმა შეხვედრაზე გვითხრა, ჩემთვის ეგ ისტორიული არ არისო, მთავარია ღარიბაშვილმა ფული მომცა და სასწრაფოდ უნდა დავამთავრო პროექტიო.” – წერს მიშიკო მუმლაძე სოციალურ ქსელში.
იმერეთის მეფეთა მისაღები დარბაზი, იგივე “ოქროს ჩარდახი” საფრთხეშია. მე-17 საუკუნით დათარიღებულ ამ ისტორიული შენობის რეაბილიტაციის პროცესი დაიწყო, თუმცა თვეებია უკვე მიტოვებულია. სპეციალისტებისა და საინიციატივო ჯგუფის მოთხოვნის მიუხედავად პროექტის მიხედვით გათვალისწინებულია ძეგლს იერსახის შეცვლა, რაც მის უნიკალურობასა და კულტურული ღირებულებას კარგავს.
“ოქროს ჩარდახი” დარბაზი კულტურული მემკვიდრეობის ნუსხაშია და მისი შენარჩუნება ევროპის ერთ-ერთი უძველესი ქალაქისთვის ძალიან მნიშვნელოვანი უნდა იყოს. მითუმეტეს, მაშინ როცა “ოქროს ჩარდახი” ქალაქში შემორჩენილი ყველაზე ძველი საერო ნაგებობაა. ქუთაისს მე-17 საუკუნის სხვა არქიტექტურული ძეგლი არ აქვს.
