„არსენალის“ ნახევარმცველ მესუთ იოზილზეს ქველმოქმედებით ბრიტანული გაზეთი „სანი“ დაინტერესდა. სტატიაში ნათქვამია, რომ მსოფლიოს 2018 წლის ჩემპიონატის დროს, იოზილმა გაამხილა თავისი გეგმები ქველმოქმედებაზე, ხოლო გასულ ზაფხულს ყოფილ მის თურქეთთან ამინე გიულშესთან ქორწინების შემდეგ, იდეა ცხოვრებაში განახორციელა. ამის შესახებ განაცხადა ფეხბურთელის აგენტმა ერქიუთ სოგიუთმა. ინფორმაციას
„მსოფლიოს შარშანდელი ჩემპიონატის დროს მან მითხრა: „მინდა რაღაც მნიშვნელოვანი გავაკეთო. შევცვალო ათასობით ბავშვის ცხოვრება, გადავიხადო ათასი ოპერაციის ფული“.
მე ვუთხარი, რომ ეს მილიონები ეღირებოდა. მაგრამ მან მიპასუხა: „თუ მე დღეს არ გავცემ საკუთარ ფულს, მაშინ როდის გავაკეთო ეს?“ მესუთს რთული ბავშვობა ჰქონდა. დედამისი ორ ცვლაში მუშაობდა დამლაგებლად. ჩრდილოეთ ლონდონში, ფეხბურთელის სახლის სამზარეულოს კედელზე ჩარჩოში ჩასმულია მისი დედის წერილი: „მესუთ, არ დაგავიწყდეს, ამ სამყაროში შენ სტუმარი ხარ, როგორც ყველა დანარჩენი. ღმერთმა მოგცა ნიჭი, ოღონდ არა იმისთვის, რომ მხოლოდ საკუთარ თავზე იზრუნო. თუ შენს სიმდიდრეს სხვებს არ გაუნაწილებ, შენ ჩემი შვილი არ ხარ“.
მესუთმა მითხრა: „მისმინე, ერქიუთ, ძალიან ბევრ ფულს ვიღებ და არ შემიძლია ეს მარტომ დავხარჯო. გამიმართლა, რომ ფეხბურთელი ვარ. ამინე და მე საკუთარ თავზე ავიღებთ იმ ათასობით ბავშვის ოპერაციებს, რომლებსაც ამის საშუალება არ აქვთ“, – მოჰყავს „სანს“ერქიუთ სოგიუთის სიტყვები.
აგენტმა ისიც თქვა, რომ საკუთარი ქორწილის დღეს, ფეხბურთელმა თანხა გამოყო იმისთვის, რომ გამოეკვება 100 ათასი უსახლკარო ადამიანი თურქეთიდან და სირიიდან.
