გერმანიის კანცლერმა ანგელა მერკელმა და რუსეთის პრეზიდენტმა ვლადიმერ პუტინმა სატელეფონო საუბარი გამართეს, რა დროსაც მათ ბელარუსში არსებული სიტუაცია განიხილეს.
გერმანიის კანცლერის პრესსპიკერის შტეფან ზიბერტის ინფორმაციით, სატელეფონო საუბრის დროს ანგელა მერკელმა ხაზი გაუსვა იმას, რომ ბელარუსის ხელისუფლებამ ძალადობა თავიდან უნდა აიცილოს და დიალოგი დაიწყოს.
„კანცლერმა ხაზი გაუსვა იმას, რომ კრიზისის დასაძლევად ბელარუსის ხელისუფლებამ მშვიდობიანი დემონსტრანტების წინააღმდეგ ძალადობა თავიდან უნდა აიცილოს და ოპოზიციასა და საზოგადოებასთან ეროვნული დიალოგი უნდა დაიწყოს,“- აღნიშნულია ანგელა მერკელის პრესსპიკერის მიერ გავრცელებულ განცხადებაში.
