“მსოფლიოში პირველმა კვლევამ, რომელშიც მოხალისეები განზრახ დაინფიცირდნენ Covid-19-ით, დაადგინა, რომ ადამიანები სულ რაღაც ორი დღის შემდეგ გახდნენ გადამდები, ბევრად ნაკლები დრო, ვიდრე მეცნიერები ელოდნენ.
გაერთიანებული სამეფოს მთავრობის მიერ დაფინანსებულმა „Human Chalenge” კვლევამ გამოავლინა, რომ Sars-Cov-2 ვირუსის დონემ ცხვირსა და ყელში პიკს მიაღწია ხუთი დღის შემდეგ, თუმცა მონაწილეები გადამდები რჩებოდნენ საშუალოდ ცხრა დღის განმავლობაში და მაქსიმუმ 12 დღის განმავლობაში.
მკვლევარებმა განაცხადეს, რომ მათი შედეგები მხარს უჭერს მითითებებს, რომ ადამიანებმა უნდა გაატარონ კარანტინი 10 დღის განმავლობაში მას შემდეგ, რაც პირველად იგრძნობენ Covid-ის სიმპტომებს ან ექნებათ დადებითი ტესტის შედეგი.
კვლევა ჩატარდა ლონდონის სამეფო ჰოსპიტალის სპეციალურ განყოფილებაში. 18-დან 29 წლამდე ასაკის 34 მოხალისედან თვრამეტი დაინფიცირდა ორიგინალური Sars-Cov-2 შტამის დაბალი დოზის მიღების შემდეგ (ცხვირში წვეთებით).
არცერთს არ აღენიშნებოდა სერიოზული სიმპტომები (მხედველობაშია მისაღები მათი ახალაგზრდა ასაკი)….”
“კვლევის მონაცემები ნათლად აჩვენებს, რომ SARS-CoV-2 ვირუსის გამოყოფა ხდება მაღალ დონეზე, სიმპტომების სიმძიმის მიუხედავად, რაც ხსნის ამ ინფექციის მაღალ გადაცემას და ხაზს უსვამს, რომ სიმპტომების სიმძიმე არ შეიძლება ჩაითვალოს ამ დაავადების გადაცემის რისკის მახასიათებლად.”-წერს ზაზა წერეთელი ნორვეგიის სამეფოს ჯანდაცვის სამინისტროს უფროსი მრჩეველი