განგაშის ზარები თითქოს დაირეკა. ინტერნეტით და ინტერნეტის გარეშეც ნარკოტიკების რეალიზაციის ცალკეული ფაქტებიც გამოვლინდა. დასასჯელებიც ისჯებიან თითქოს. კლუბი ,,ბასიანის” დაწიოკებაც მიზანს ,,ამართლებდა”, მაგრამ მიზანი მიუღწეველია. ისევ ზოგადი ფრაზები, ისევ წუხილი და სინანული გარდაცვლილ ახალგაზრდებზე, რომელთაც მამულს ვერ, მაგრამ ნარკოტიკებს სიამით ვწირავთ.
ბათუმში ბულვარში მდებარე ერთ-ერთი ღამის კლუბიდან, დილის 5 საათზე, 4 ახალგაზრდა, მათ შორის 3კაცი და ერთი ქალი სავადმყოფოში გადაიყვანა.
,, მედცენტრში” ახალგაზრდები მძიმე მდგომარეობაში შეიყვანეს, მათგან 22 წლის ბიჭი გარდაიცვალა.
აჭარის საზოგადოებრივ მაუწყებელის ინფორმაციით გარდაცვლილი პაციენტი 19 აგვისტოს, გამთენიისას 5-ის 5 წუთზე სასწრაფო დახმარების ბრიგადამ შეიყვანა. 22 წლის ახალგაზრდა პაციენტი კომატოზურ მდგომარეობაში იმყოფებოდა. “იგი მართვით სუნთქვაზე გადაიყვანეს. ანამნეზის საფუძველზე დაისვა დიაგნოზი, დაუზუსტებელი სუბსტანციის ტოქსიკური ეფექტი. პაციენტს ჩაუტარდა პირველადი შესაბამისი მკურნალობა, გაუკეთდა კომპიუტერული ტომოგრაფია. პაციენტი 17:20 წუთზე გარდაიცვალა, სიკვდილის მიზეზი – გულსისხლძარღვთა მწვავე უკმარისობა გახდა”.
კომატოზურ მდგომარეობაში იმყოფება ორი პაციენტი. ტვ25-ს წყარომ უთხრა, რომ სავარაუდოდ ისინი ნარკოტიკული ნივთიერებების ზემოქმედების ქვეშ იყვნენ.
შს სამინისტროში აცხადებენ, რომ გამოძიება მიმდინარეობს 115-ე, თვითმკვლელობამდე მიყვანის მუხლით. გარდაცვალების ზუსტი მიზეზის დასადგენად დანიშნულია შესაბამისი ექსპერტიზები.
კლუბური ცხოვრება ერთგვარი მოდა ან სულაც, სულიერი მოთხოვნილება გახდა, განტვირთვა , გიჟური როკი და სიახლის წყურვილი, რომლის შემდეგ სწავლა, შრომა, ძიება ან უბრალოდ სამსახური, შემდეგ ისევ განტვირთვის წუთები და ამ დროს, ვინ ამცირებს დროს სიკვდილამდე, ვინ სთავაზობს კლუბში მყოფ ადამიანებს მომაკვდინებელ ნარკოტიკს. ვინ ვაჭრობს ახალგაზრდების სიცოხლით. პასუხს სახელმწიფოსგან ველით.
90-იანებში , რაც მეტ ნარკოტიკს ამოიღებდნენ, მით მეტი ჩნდებოდა ბრუნვაში. ჯერ კარგად არაა დავიწყებული საქართველოს ისტორიის ბნელი და უკუნი პერიოდი, რომ იგი ისევ მოდად იქცეს.