ქუთაისს მსოფლიო ვარსკვლავი ნინო სურგულაძე ეწვევა – ინფორმაციას ამის შესახებ იმერეთის მხარის გუბერნატორი ზვიად შალამბერიძე თავის ოფიციალურ ფეისბუკ გვერდზე ავრცელებს.
“მეგა ტვ” პოსტს უცვლელად გთავაზობთ:
“ატივცემულო მეგობრებო, მინდა სასიამოვნო სიახლე გაგიზიაროთ:ს ახელმწიფო რწმუნებულის ადმინისტრაციამ სახელოვანი ქართველის, მსოფლიო ვარსკვლავის ნინო სურგულაძის საერთაშორისო საქველმოქმედო ფონდიდან ნატვრის ხე – Desire Tree რამდენიმე დღის წინ ოფიციალური წერილი მიიღო, რომელშიც აღნიშნულია, რომ საქველმოქმედო მიზნებისთვის 9 ნოემბერს, ქუთაისის ლ. მესხიშვილის სახელობის სახელმწიფო დრამატულ თეატრში მსოფლიო ვარსკვლავების მონაწილეობით კონცერტი გაიმართება, შემოსული თანხებით კი იმერეთის რეგიონში მცხოვრებ მძიმედ დაავადებულ ბავშვებს დაეხმარებიან, რომელთაც საზღვარგარეთ მკურნალობა ესაჭიროებათ. მინდა ამ ინიციატივისთვის ქალბატონ Nino Surguladze ს მადლობა გადავუხადო და წარმატება ვუსურვო!” – წერს იმერეთის მხარის გუბერნატორი ზვიად შალამბერიძე.
