საპატრულო პოლიცია ეკიპაჟების რაოდენობას გაზრდის. ამის შესახებ შინაგან საქმეთა მინისტრობის კანდიდატმა ვახტანგ გომელაურმა პარლამენტში მოსმენისას განაცხადა. გომელაური მიიჩნევს, რომ აღნიშნული ხელს შეუწყობს საპატრულო პოლიციის ფუნქციების გაძლიერებას როგორც რეაგირების, ასევე პრევენციული მუშაობის კუთხით.
ასევე, მომსახურების განვითარების მიზნით, ამოქმედდება ექსპრესს მომსახურების ობილური სერვის-ცენტრები ისეთ რაიონებში, სადაც საპატრულო სერვისების მუშაობა შეზღუდულია.
გომელაურმა ასევე მობილური აპლიკაციის შექმნა დააანონსა, რომელიც ნებისმიერ მოქალაქეს საშუალებას მისცემს დააფიქსიროს და მიაწოდოს საპატრულო პოლიციას მის მიერ გამოვლენილი საგზაო მოძრაობის წესების დარღვევის ფაქტები.
6 სექტემბერს მთავრობის ახალი შემადგენლობის მოსმენა ფრაქციების ფორმატში გადაინაცვლებს, 8 სექტემბერს კი პლენარული სხდომა გაიმართება, სადაც მთავრობის ახალ მეთაურსა და მინისტრთა კაბინეტს დაამტკიცებენ.
