ზაფხულის დადგომასთან ერთად მატულობს მწერებით, განსაკუთრებით კი კოღოებით დაკბენის შემთხვევები. თითქმის ყველა ადამიანი მგრძნობიარეაკოღოს ნაკბენის მიმართ. ზოგიერთ შემთხვევაში კი ორგანიზმის იმუნური სისტემა საკმაოდ მძიმე ალერგიული რეაქციის სახით პასუხობს მის ნაკბენს. ყველაზეაქტიურები კოღოები შებინდებისას და გამთენიისას არიან, ამასთან იკბინებიან მხოლოდ მდედრები.
კოღოს ნაკბენის მიმართ (განსხვავებით ზოგიერთი სხვა მწერისგან) ადამიანის ორგანიზმი თანდათან ნაკლებ მგრძნობიარე ხდება. შესაბამისად ბავშვობის ასაკში ნაკბენზე რეაქცია გაცილებით მწვავედ ვლინდება ვიდრე მოზრდილებში.
კოღოს კბენისგან თავის ასარიდებლად აუცილებელია პრევენციული ღონისძიებების გატარება, კანის ტანსაცმლით დაცვა, განსაკუთრებით ენდემურ რაიონებში ყოფნისას (წყალსატევებთან ახლოს, ლაშქრობისას). ფანჯრებზე დამცავი ბადეების გამოყენება, სხვადასხვა ქიმიური რეპელენტების(კოღოს საწინააღმდეგო სპრეი, კრემი ან სითხე) გამოყენება, ბუნებრივი რეპელენტებიდან აღსანიშნავია დარიჩინის, ევკალიპტის, რეჰანის, ჩაის ხის ზეთის ან კედრის ზეთის გამოყენება, რომელთა სუნზეც კოღოები აღარ მოგვეკარებიან.
თუ საუკეთესო პრევენციული ღონისძიების მიუხედავად მაინც გავხდით კოღოს მსვერპლი, კანის ნორმალური რეაქციის შემთხვევაში საკმარისია ცივი საფენის, ყინულის ან ლოკალური ქავილის საწინააღმდეგო საშუალების გამოყენება. ხოლო თუ სახეზე გვაქვს უფრო სერიოზული ალერგიული რეაქცია აუცილებელია მივიღოთ ანტიჰისტამინური პრეპარატი და სასწრაფოდ მივმართოთ ექიმს.
ასევე
კოღოს ნაკბენს გაჩენისთანავე უნდა შეებრძოლოთ, რომ ქავილის გრძნობა გაქრეს. გაიწმინდეთ ნაკბენი ადგილი სპირტით, ალკოჰოლით ან წყლით.
აიღეთ ლიმონი ან ლაიმი. გაჭერით და ნაზად წაისვით ნაკბენ ადგილზე, ან დაიწურეთ წვენი. ციტრუსში შემავალი მჟავა ქავილის შეგრძნებას ხსნის.
გამოიყენეთ შვრია. ცოტა შვრია ჩაყარეთ წყალში და დიდხანს ურიეთ. შემდეგ დაიდეთ ნაკბენ ადგილზე. დაელოდეთ, გაშრეს, შემდეგ კი ჩამოიბანეთ.
დაიდეთ თაფლი ნაკბენ ადგილზე. თაფლი შეგიმსუბუქებთ ქავილის შეგძნებას და დაგიცხრობთ შესიებას.
გამოიყენეთ სოდა. გახსენით ერთი სუფრის კოვზი სოდა თბილ წყალში, ნაზად წაისვით მასა ინფიცირებულ ადგილზე. დატოვეთ რამდენიმე წუთით და შემდეგ თბილი წყალით მოიბანეთ. ქავილის შეგრძნება გაგიქრებათ.
მოსკიტის ნაკბენზე ალერგიული რეაქციის განვითარება არც თუ ისე ხშირია, თუმცა არის შემთხვევები , როდესაც ექიმის დახმარება აუცილებელი ხდება. თუ თქვენ გაქვს მკვეთრად გამოხატული სიმპტომები მოსკიტის ნაკბენზე და ცხოვრობთ ან ისვენებთ ენდემურ რაიონში, თუ შენიშნეთ ნაკბენის უცნაური ცვლილება-დაწყლულება, დიდ ფართობზე გაწითლება ან სისხლჩაქცევა ან თუ კბენის შემდგომ აღგენიშნათ ტემპერატურის მომატება, გაძლიერებული ოფლიანობა, სისუსტე და უმადობა, აუცილებლად მიმართეთ თქვენს პირად ექიმს.
წყარო: evex.ge
