ფლორიდის სამეცნიერო-კვლევითი და კლივლენდის კლინიკის ინოვაციური ცენტრების მკვლევარებმა განსაზღვრეს COVID-19-ის თერაპიისთვის ახალი პოტენციური სამიზნე. კორონავირუსის ფერმენტი PLpro (პაპაინის მსგავსი პროტეაზა) ბლოკავს ინფექციაზე ორგანიზმის იმუნურ პასუხს. შესაბამისად, PLpro-ის ინჰიბირებით, თეორიულად შესაძლებელია მოხდეს ადრეული იმუნური პასუხის შენარჩუნება. ეს კი წარმოადგენს ვირუსის რეპლიკაციისა და გავრცელების შეზღუდვის გასაღებს.
ცნობილია, რომ ორგანიზმის ერთ-ერთი პირველადი დაცვის სისტემა რეცეპტორული ცილების კლასია, მათ შორის MDA5 ცილა, რომელიც ახდენს უცხო აგენტის იდენტიფიცირებას. როდესაც რეცეპტორები ამოიცნობენ უცხო პატერნს, ისინი აქტიურდებიან და რთავენ იმუნური სისტემის ანტივირუსულ დაცვას. ნაწილობრივ ეს მიიღწევა ინტერფერონ-მასტიმულირებელი გენებით კოდირებული ცილების ექსპრესიის გაზრდის ხარჯზე.
თუმცა SARS-CoV-2-მა “იცის” როგორ მუშაობს აღნიშნული მექანიზმი და “შეიმუშავა” წინააღმდეგობის გაწევის სტრატეგია. მკვლევართა ჯგუფმა აჩვენა, რომ კორონავირუსის ფერმენტი PLpro ფიზიკურად ურთიერთქმედებს MDA5-ის რეცეპტორებთან და აინჰიბირებს აღნიშნულ პროცესს.
უნდა დადგინდეს, რამდენად ეფექტური იქნება PLpro ფერმენტული ფუნქციის ბლოკირება ან MDA5-თან მისი ურთიერთქმედება გააძლიერებს თუ არა ვირუსის წინააღმდეგ იმუნურ პასუხს.
MKURNALI.GE
