“პრევენციის მიზნით გავაფრთხილეთ მოსახლეობა რომ, შეწყვიტონ აღნიშნული აივნების გამოყენება” – ამის შესახებ ტელეკომპანია “მეგა ტვ”-ს, ქუთაისის მერიის საბინაო სამსახურის უფროსმა ჯონი არაბიძემ ავტომშენებლის დასახლებაში, ხარებავას ქუჩაზე აივნის ჩამონგრევის ფაქტთან დაკავშირებით განაცხადა.
“ეს იყო უბედური შემთხვევა. ხანდაზმული, ექსპლუატაციისათვის ვადაგასული აივანი, რომელიც აშენებული იყო 80-იან წლებში. პრევენციის მიზნით გავაფრთხილეთ მოსახლეობა რომ შეწყვიტონ აღნიშნული აივნების გამოყენება. შინაგან საქმეთა სამინისტროს მიერ დანიშნული არის ექსპერტიზა და დაიდება დასკვნა შემდგომში მისი ექსპლოატაციის ვარგისიანობასთან დაკავშირებით და შესაბამისად მოხდება შემდეგ ღონისძიებების გატარება. ” – განაცხადა ჯონი არაბიძენ.
მისივე თქმით თუ ექსპერტიზა დანგრევის გადაწყვეტილებას მიიღებს მერია თავის მხრივ ჩაერთვება პროცესებში: “ეს არის ამხანაგობის საკუთრებაა და მათ აქვთ ვალდებულება ამ ყველაფერს თავად მიხედონ. ჩვენ ჩვენი მხრივ მივიღებთ მონაწილეობას ამ ღონისძიებების განხორციელებაში.” – ამბობს ჯონი არაბიძე.
შეგახსენებთ რომ აივნის ჩამონგრევის შედეგად 1 აგვისტოს ქუთაისში 78 წლის გარდაიცვალა.
