” მე მინდა გამოვიდე პროფესიით გენერალი. მინდა ვიდგე პერევის საზღვარზე, გავწვრთნა ბევრი ჯარისკაცი. მინდა ჩემი გაწვრთნილი ჯარისკაცები ჩემსავით გმირები და თავდადებულები იყვნენ. მე პერევის საზღვარზე იმიტომ მინდა დადგომა , რომ ის ჩემი სოფელია და ვხედავ როგორ დადიან საზღვარზე ეს რუსები. არ მიშვებენ ჩემს მამიდებთან. ერთხელ მინდოდა საბუთის გაკეთება, მაგრამ ბებომ მითხრა მაგისთვის საჭიროა ვთქვა : მე ქართველი არა ვარ, მე ვარ რუსიო. შემდეგ თავი დავანებე. მე ვხედავ ქართველი ჯარისკაცები როგორ იცავენ საზღვარს. მე მინდა მათზე უკეთესი ვიყო, საქართველოს უფრო გავადიდებ. გენერალი ბრძოლაში კურთხეულად მოკვდება, გენერალი თავის სამშობლოს არასოდეს არ უღალატებს. აი, ასეთი ვიქნები მე. დიახ ! მე ქართველი ვარ და ვამაყობ კიდეც ამით.
დამელოდე საქართველო!
ლუკა ტოროშელიძე
გენერალი” – პატარა ლუკას ამ წერილს საჩხერის #1 საჯარო სკოლა ავრცელებს. “აი, ასეთი ქართველები იზრდებიან დღეს ჩვენს სკოლაში. ლუკა, მე მიხარია, რომ შენში ქართული ჯიშის ზეიმია, აგხდენოდეს ოცნება, ჩვენო საამაყო ბიჭო!” – წერია სკოლის ოფიციალურ ფეისბუქ გვერდზე.
