ქუთაისში, აღმაშენებლის გამზირზე დევნილთა კორპუსებში მცხოვრები ადამიანები დახმარებას იხოვენ.
როგორც ადგილობრივები ამბობენ მათ თითქმის ორი კვირაა წყალი არ აქვთ, კორპუსში არ მუშაობს ლიფტი და წყლის ატანა მე-14 სართულზე ხელით უწევთ. მათივე თქმით კორპუსი უხარისხოთაა აშენებული.
”ამ ბინაში უნდა მოუშაობდეს ორი ლიფტი, სამგზავრო და სატვირთო, ამ უკანასკნელს კი არასდროს უმუშავია. 20 დღეზე მეტია გაფუჭდა ლიფტი, წყალი გადმოვიდა მეოთხე სართულიდან და ლიფტის ელექტროობა გამოვიდა მწყობრიდან. შევეხმიანეთ ”დიზაინ კომპლექსის” მშენებელს გუბელაძეს და გვეუბნებიან რომ არ იმყოფება ქალაქში. მან ეს დასაწვავი უხარისხო კორპუსები ააშენა, არაფერი ამ კორპუსებში არ ვარგა, არც კედლები, არც ლიფტი და არც წყალი. სახალხო დამცველი ჩართულია ამ საქმეში, ვდავობთ სასამართლოში, რომ ეს არის უხარისხო და მოუწერიგებელი ბინა და ამდენი თანხა სად წავიდა.” – ამბობს კორპუსში მცხოვრები.
”ჩვენ დახმარებას ვითხოვთ, რომ ვინმემ მოგვაქციოს ყურადღება. წყალი არ გვაქვს, ელემენტარული ხომ გვინდა, ლიფტი მაინც იყოს მოწესრიგებული რომ ჭებიდან ავიტანოთ წყალი. მე-6, მე-8 სართულამდე შეიძლება ცოტ-ცოტა წვეთავდეს. ბინა 14 სართულიანია და შეიძლება იქ ხელით მოგიწიოს წყლის ატანა , როცა ზედა სართულებში შშმ პირები ცხოვრობენ. მე ისეთი გამწარებული ვარ ამ მოხუცებს რომ ვუყურებ, როგორ ეზიდებიან წყალს. 2 კვირაზე მეტია ასე ვართ. მე სამშენებლო კომპანიას ხელს ვერ დავადებ, მაგრან ელემენტარული ყურადღება ხომ შეუძლიათ გამოიჩინონ.” – ამბობს ნატო მერკვილაძე
დევნილთა კორპუსებში მცხოვრები პირების პრობლემებს გაეცნო და ისაუბრა პარტია ”თავისიფალი საქართველოს” იმერეთის ბიუროს ხელმძღვანელი გოგი წულაია:
”როგორც მე მითხრეს წყლის ძრავი დაიწვა, ხალხია გადახდის უუნარო და ვერ კრებენ თანხას რომ ეს ძრავი იყიდონ, 500 ლარამდე უნდა, სამინისტრო ეუბნება თუ არ მოიტანე წინასწარ, მე ვერ ჩავრიცხავ და ამ წრეზე ტრიალებენ. 10 დღეა წყალი არაა, მე-14 სართულზე რომ ტანის დასაბან და ტუალეტის ჩასარეცხ წყალს ხელით აიტან კატასტროფაა. ვინაა ახალა ამაზე პასუხისმგებელი კაცი არ გეტყვის, ასობით ოჯახი რომ იტანჯება ამაზე პასუხი ვინ უნდა აგოს. ხარისხით იმ ხარისხით აშენდებოდა რა ხარისხის ფული მისცეს და ფულიც მოტეხა ხელისუფლებამ რომ გასცა ნებართვები.” – განაცხადა გოგი წულაიამ.