საქართველოს მოქალაქეს, 34 წლის სალომე ჭითანავას, რომელიც საფრანგეთში, ქალაქ ბორდოში გარდაიცვალა, რამდენიმე დღეში იქ დაკრძალავენ – ამის შესახებ “პრაიმტაიმს” ოჯახის ახლობელმა უთხრა.
“4 წელზე მეტ ხანს უმძიმეს დაავადებას – მელანომას ებრძოდა. მარტოხელა დედა იყო, 2 ქალიშვილი დარჩა. მისი მკურნალობა ათასობით ათასი ევრო ჯდებოდა… ყოჩაღად იყო… იქ დამკვიდრდა ბორდოში.
სალომემ ხობიდან თან ორივე შვილი, დედა და და წაიყვანა. იქ სახლი აქვთ ბორდოში, ისეთი ყოჩაღი გოგო იყო. შვილებიც იქ სწავლობენ. ეს ვერაგი დაავადება ბოლო პერიოდში პროგრესირდა და ფრანგ ექიმებს ბოლო თვენახევარი მორფინზე ჰყავდათ…. გაუსაძლის ტკივილებს უძლებდა.”, – გვითხრა ოჯახის ახლობელმა.
სალომემ საქართველო 2017 წელს დატოვა და მას შემდეგ ქალაქ ბორდოში ოჯახთან ერთად ცხოვრობდა…
