მსოფლიოში კორონავირუსით დაინფიცირებულთა რიცხვმა 536 615-ს მიაღწია. დაღუპულთა რაოდენობა კი, ბოლო მონაცემებით, 24 114 ადამიანს შეადგენს. ამასთან, კორონავირუსით ინფიცირებულთა რაოდენობით აშშ-მა ჩინეთსა და იტალიას გაუსწრო. ბოლო მონაცემებით, იქ 85 612 ადამიანია დაინფიცირებული, 1 301 კი გარდაიცვალა.
ახალი კორონავირუსით ინფიცირებულთა შორის სხვადასხვა ქვეყნის ლიდერებიც არიან, მათ შორისს დღეს გაირკვა, რომ დაავადება ბრიტანეთის პრემიერ-მინისტრსა და ჯანდაცვის მინისრსაც დაუდგინდათ.
კორონავირუსით დაინფიცირებული მსოფლიო ლიდერების სია ასე გამოიყურება:
1)დიდი ბრიტანეთის პრინცი ჩარლზი.
2)დიდი ბრიტანეთის პრემიერ-მინისტრი ბორის ჯონსონი.
3)ესპანეთის პრემიერ-მინისტრის პედრო სანჩეზის მეუღლე ბეგონა გომეში.
4)მონაკოს პრინცი ალბერტი.
5)საფრანგეთის კულტურის მინისტრი ფრანკ რისტერი.
6)იტალიის დემოკრატიული პარტიის ლიდერი ნიკოლა ზინგარეტი.
7)კანადის პრემიერ-მინისტრის ჯასტინ ტრუდოს მეუღლე სოფი ტრუდო.
8)ბრაზილიის პრეზიდენტის პრეს-მდივანი.
9)ავსტრალიის შინაგან საქმეთა მინისტრი პიტერ დატონი.
10)ბრიტანეთის ჯანდაცვის მდივანი მეთიუ ჰენკოკი.
ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.
21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.
