“მე ქუთაისელ ახალგაზრდებს ბოდიშს ვუხდი“ – ეს განცხადება კულტურის პალატის ხელმძრვანელმა დავით ოქიტაშვილმა “მეგა ტვ”-თან სატელეფონო ინტერვიუსას გააკეთა. ბოდიში მან ახალგაზრდებს, ზაფხულში, “ქუთაისი არენაზე” დადგეგმილი და ჩავარდნილი პროექტების გამო მოუხადა. ოქიტაშვილის განმარტებით პროექტების ჩავარდნა ოპოზიციური პარტიის, კერძოდ კი ნაციონალური მოძრაობის მხრიდან მისი მისამართით გაკეთებულ ბრალდებებს მოჰყვა.
„ინვერსტორი გაგვიქციეს, რომელსაც 200 000$-ის რაოდენობის თანხა უნდა ჩაედო. გიგა შუშანია ქუთაისელი ახალგაზრდების მტერია. მან რა გააკეთა მისი ვიცე-გუბერნატორობის პერიოდში? რა გაუკეთა ახალგაზრდებს? მაგან მის სამარშუტო ხაზებს მიხედოს. ჩვენ ამ პროექტს მაინც გავაკეთებთ, თუმცა გეგმებზე საუბარს არ ვაპირებ, არ მინდა ისევ ბოროტი ენების მსხვერპლი გავხდე“ – განაცხადა ოქიტაშვილმა “მეგა ტვ”-თან საუბრისას.
„ხმები გამივრცელა თითქოსდა აქ პირადი ბიზნესის წამოწყება მინდოდა, ახალგაზრდებში გაავრცელა ხმები, თითქოსდა შენობა არამდგრადია, ამის მერე რომელი ინვესტორი გაჩერდებოდა. „ნაციონალურ მოძრაობა“-ს ერთი რამ უნდა, რომ ქვეყანა გაჩერდეს, მაგრამ ქვეყანა არ გაჩერდება“-განაცხადა ოქიტაშვილმა.
“ქუთაისი არენა”-ს შენობა, რომელზეც საუბარია, ავანგადში, საულხან-საბას ქუჩაზე მდებარეობს. იგი მერიამ ოქიტაშვილს უსასყიდლოდ, უზრუფრუქტის ფორმით გადასცა, იმ მოტივით რომ აქ კულტურის პალატას კონცერტები გაემართა. შენობაში რამდენიმე კონცერტი უკვე შედგა. 2 მაისს დაგეგმილი იყო “ABBA MANIA”-ს კონცერტი, თუმცა ღონისძიება არ შედგა და ამის მიზეზად გაუმართავი ინფრასტრუქტურა დასახელდა. ოქიტაშვიის თქმით ამ ეტაპზე ეს პრობლემა მოგვარებულია და ის ამისათვის მერიას მადლობას უხდის. მიუხედავად ამისა პროექტის სამომავლო გეგმები ჯერ უცნობია. ქუთაისელ ახაგაზრდებს კი ისღა დარჩენიათ იმედიანად იყვნენ.