მარტვილში „ქართული ჩაის მწარმოებელთა ასოციაცია“ დაფუძნდა.
როგორც მარტვილის მუნიციპალიტეტიდან იუწყებიან „ქართული ჩაის მწარმოებელთა ასოციაცია“ სამეგრელო–ზემო სვანეთის, იმერეთის და გურიის რეგიონის ჩაის მწარმოებლებს აერთიანებს.
„ქართული ჩაის მწარმოებელთა ასოციაციის“ მიზანია ჩაის წარმოების აღორძინება, აღდგენა–რეაბილიტაცია, განვითარება და ჩაის კულტურის პოპულარიზაცია.
ასოციაციის კრების პირველი სხდომაზე ასოციაციის გამგეობის თავმჯდომარედ გელა გარჩაგოდაშვილი, ხოლო აღმასრულებელ დირექტორად ზურაბ ბიგვავა აირჩიეს. ასევე აირჩიეს გამგეობის წევრები და საპატიო წევრები.
