„თავის დროზე, ბადრი პატარკაციშვილს სურდა წყალტუბოს რეაბილიტაცია, მაგრამ ამის საშუალება არ მისცეს. მოგვიანოდ, ედუარდ შევარდნაძემ ჩემი თხოვნით მიმართა ივანიშვილს იგივე შეთავაზებით, რაზედაც უარი მიიღო. ეს იყო მაშინ, როცა ივანიშვილი არ იყო პოლიტიკაში…დღეს კი მრჩება შთაბეჭდილება, რომ მისი ეს ნაბიჯი მომავალ არჩევნებს უკავშირდება.“-განაცხადა „თეთრების“ ლიდერმა. იგი იხსენებს საპრეზიდენტო არჩევნებს, როცა წინასაარჩევნოდ, ამომრჩევლის ხმების მობილიზაციის მიზნით, ხალხს ბანკებიდან სესხები ჩამოუწერეს და მთელ მსოფლიოში სალაპარაკო გახდა ეს ამბავი, მოგვიანებით კი აღმოჩნდა, რომ ბანკებს „შეაწერეს“ ეს თანხები და არავითარი განსაკუთრებული ეფექტი ხალხისთვის ამას არ მოუტანია. იგივე ხდება დღეს წყალტუბოსთან დაკავშირებით. წყალტუბოს სჭირდება არა ვინმეს შესყიდვა, არამედ სწორი ეკონომიკური გარემოს შექმნა ქვეყანაში. მაშინ აღორძინდება წყალტუბოც და ბალნეოტურიზმიც.
თემურ შაშიაშვილის თქმით, მსოფლიოს არც ერთ ქვეყანაში პარტიის ლიდერს არ აქვს იმის უფლება, რასაც ქვეყანაში დღეს ბიძინა ივანიშვილი აკეთებს. ,, არაერთხელ მითქვამს, რომ ივანიშვილი, სჭირდება საქართველოს, როგორც ბიზნესმენი მაგრამ არა როგორც პოლიტიკოსი! გადადგეს პარტიის ლიდერობიდან, და მიხედოს ქველმოქმედობას. ამომრჩევლებს ვურჩევ, არ მისცენ ხმა მას, ვინც ყიდულობს ყველაფერს და გვევაჭრება. ცალკე უნდა მივმართო „ქართული ოცნების“ ლიდერებს, რომლებიც წინასაარჩევნოდ თავს იწონებენ. არაფერი გაქვთ საამაყო ბატონებო, ყველაფერი ბიძინას ფულია და არა ეკონომიკის თუ ქვეყნის განვითარების თქვენეული პროგრამები! ივანიშვილს კი მივმართავ: გადადექით პარტიის ლიდერობიდან, ჩაატარეთ დემოკრატიული არჩევნები! პოლიტიკაში და ბიზნესში ერთდროულად ყოფნა არის შეურაცხყოფა ქვეყნის და სიკეთეს არ მოუტანს საქართველოს!”
