24 საათიანი წყლის პრობლემა ქუთაისის მოსახლეობას წლებია აწუხებს. ამ პრობლემის მოსაგვარება ქალაქში ბოლო პერიოდში აქტუალური გახდა და ხელიუფლებამ ამ კუთხით ადგილობრივების ყოველდღიურობაზე ზრუნვა დაიწყო. ბოლო რამდენიმე თვეში ქალაქში 16 000 აბონენს ჩაერთო 24 საათიანი წყალი, ქუთაისის 45% პროცენტი ამ სიკეთით უკვე ახალ წელს ისარგებლებს. მომდევნო რამდენიმე თვეში უნდა მოხდეს ქალაქის დანარჩენი მოსახლეობის ჩართვა ამ ქსელში.
თუ ვინ გადავიდა 24 საათიან წყალმომარაგებაზე და ვისთვის იქნება, უკვე მალე, ხელმისაწვდომი წყალი ამის შესახებს “მეგა ტვ”-ს საქართველოს გაერთიანებული წყალმომარაგების კომპანიის ქუთაისის რეგიონალური ფილიალის ხელმძღვანელი ბექა ბარბაქაძე ესაუბრა: 
“ქალაქის 45% ახალ წელს უკვე 24 საათიანი წყალმომარაგებით შეხვდება. ბოლო თვეების განმავლობაში უკვე 50 000-მდე ადამიანი გადაერთო 24 საათიან წყალზმომარაგებაზე. პროექტის მიხედვით რაც იყო ძირითადი სამუშაოები უკვე ჩატარებულია, როგორც რეზერვუარების ისე სატუმბი საშუალებების მშენებლობა. ამ ეტაპისთვის 16 000 აბონენტი ახალი გადართულია 24 საათიან წყალმომარგებაზე. მინდა ვთქვა რომ ძალიან სწრაფი ტემპით მოხდა ნიკეას თაბუკაშვილის, გამსახურდიას, გუგუნავას და სულხან-საბას ქუჩების 24 საათიან წყალმომარაგებაზე გადაყვანა. ეს არის მოსახლეობა რომესაც წყალი მხოლოდ დილის ხუთი საათიდან პირველ საათამდე ჰქონდა.
შემდგომ ეტაპზე, იანვირიდან, გოდოგნის რეზერვუარის გაშვების შედეგად კახიანაურის, საფიჩხიისა და ქალაქ-მუზეუმის ადმინისტრაციული ერთეულების გადაერთვება მოხდება 24 საათიან წყალმომარაგებაზე. მინდა ვთქვა რომ 2-3 თვის სამუშაოებია და ძალიან მალე ქალაქს სრულად ექნება 24 საათიანი წყალმომარაგება.” – განაცხადა საქართველოს გაერთიანებული წყალმომარაგების კომპანიის ქუთაისის რეგიონალური ფილიალის ხელმძღვანელმა ბექა ბარბაქაძემ.
მან ქალაქში წყლის ხარისხზეც გაამახვილა ყურადღება და აღნიშნა რომ, წყლის ხარისხი ყოველ დღე კონტროლდება და ქალაქს ხარისხიანი წყალი მიეწოდება. გაერთიანებული წყალმომარაგების კომპანიის ქუთაისის რეგიონალური ფილიალის ხელმძღვანელმაწყალმომარაგების პროექტის ფარგლებში განხორციელებულ სამუშაბზეც ისაბრა და 2019 წელს მასშტაბური უწოდა:
“ქუთაისის წყალმომარაგების პროექტზე იყო 90 მილიონი ლარი გამოყოფილი, ეს მოიცავდა როგორც სატუმბი, ისე რეზერვუარების მშენებლობას. აშენდა 2 ახალი სატუმბი სადგური, ასევე აშენდა ულტრათანამედროვე და მასშტაბური რეზერვუარი, რომელიც საკმაოდ დიდ ნაწილს მოამარაგებს. შეიცვალა 19 კილომეტრი მაგისტრალური თუჯის მილსადენი, ასევე 270 კილომეტრი პოლიეთილენის მილი მოეწყო ქალაქში, 32 ათასმდე ახალი მრიცხველი დამონტაჟდა ბინებში, შეიცვალა შიდა ქსელი, ქალაქში მოეყო მწოვარა მილები, რომლებიც დიდ პრობლემას წაროადგენდა და სარდაფებს ტბორავა.” – განაცხადა ბექა ბარბაქაძემ “მეგა ტვ”-თან საუბრისას.
