“აწი ვერ ვეტყვით ერთმანეთს ჯიმას, ვეღარ ვიკითხავთ ერთმანეთს ასე, ვეღარ გავაცნობთ შვილებს ერთმანეთს, ვეღარ დავლევთ და ვეღარ გავაფრენთ ,ვერ ვისაუბრებთ ხელოვნებაზე, შენს ნახატებზე, ჩემს ფოტოებზე სულ რომ ვუცვლიდით აზრებს ერთმანეთს, სულ რომ სიყვარულს აფრქვევდი ასე!.. მე უფალს ერთს ვთხოვ,როცა წამოვალ, როცა წამოვალ ძამიკო მაქეთ სასუფეველში შევხვდეთ ერთმანეთს!.. მიყვარხარ ბაქარ გულში!.. უფალმა აცხონოს შენი და შენი შვილების უკვდავი სული!…” – წერს სოციალურ ქსელში ფოტოგრაფი პაატა ნესმიწვერიძე და ტრაგიკულად დაღუპულ მეგობარს ბაქარ ბანძელაძესა და მის შვილებს ემშვიდობება.
გუშინ ქვიშხეთთან მომხდარ ავტოსაგზაო შემთხვევას ოთხი ადამიანის სიცოცხლე ემსხვერპლა. გარდაცვლილთა შორის სამი მცირეწლოვანი ბავშვია. სოფელ სათივესთან, საავტომობილო გზაზე მოძრავი მანქანა მდინარე მტკვარში გადავარდა. შემთხვევის შედეგად ადგილზე დაიღუპა სატრანსპორტო საშუალების მძღოლი და მანქანაში მყოფი 5-დან 10 წლამდე ასაკის 3 ბავშვი, ორი ბიჭი და ერთი გოგონა.
ახალგაზრდა ქალს, რომელსაც წყლიდან ამოყვანისას გულის გაჩერება დაუფიქსირდა, ხაშურის საავადმყოფოში გადაყვანისას ჩატარებული რეანიმაციული ღონისძიებების შედეგად გული აუმუშავდა, თუმცა, მისი მდგომარეობა კვლავ უკიდურესად მძიმე იყო.
“ანდრეა და ალექსი ბანძელაძეები წარმატებული მოსწავლეები იყვნენ” – სკოლა ღრმა მწუხარებას გამოთქვამს