საქარხნოს ქუჩას, რომელიც თბილისი-სენაკი-ლესელიძის ცენტრალური მაგისტრალის შემადგენლობაში შედის, რეაბილიტაცია უტარდება, – ინფორმაციას ზესტაფონის მუნიციპალიტეტის მერია ავრცელებს. მათივე ცნობიტ მიმდინარეობს დაზიანებული მონაკვეთების ასფალტის საფარით შეკეთება.
სახელმწიფო რწმუნებულმა იმერეთის მხარეში – ზვიად შალამბერიძემ, ზესტაფონის მერმა – გიორგი გოგლიჩიძემ და ადგილობრივი ხელისუფლების წარმომადგენლებმა მიმდინარე სამუშაოები დაათვალიერეს.
„ეს ქუჩა შედის ცენტრალური მაგისტრალის შემადგენლობაში და მისი რეაბილიტაცია სასიცოცხლოდ მნიშვნელოვანია მთელი ქვეყნის მასშტაბით ტრანსპორტით გადაადგილებისათვის. ვიმედოვნებთ, სამუშაოები დროულად და ხარისხიანად შესრულდება“ – განაცხადა იმერეთის სახელმწიფო რწმუნებულმა ზვიად შალამბერიძემ.
აღნიშნული გზის რეაბილიტაციას საგზაო დეპარტამენტის დაკვეთით შპს „ბორანი“ ასრულებს.
