“ეს დიდი დარტყმა იქნება მთელი სვანეთისთვის, ამიტომ ასე ერთი ხელის მოსმით “დავიკეტეთ” არ გამოვა – ასე ეხმაურება სვანეთში გესთაუსის მფლობელი თაკო საჯაია მესტიის მუნიციპალიტეტის ჩაკეთვას ფეისბუკზე.
“მეგა ტვ” პოსტს უცვლელად გთავაზოვთ:
“დადგა სვანეთის ჯერი?!
მე არ მჯერა ამ გაბუქებული ვირუსომანიის!!
მეც დავაფიქსირებ ჩემს აზრს, თქვენის ნებართვით
კორონასთან მიმართებაში.
1. პირველ რიგში , პანიკაში რატომ ვაგდებთ ერთმანეთს? გადაუმოწმებელი ინფორმაცია არ უნდა იდებოდეს საინფორმაციო გვერდებზე, თან ტექსტით: სვანეთი შესაძლოა წითელ ზონად გამოცხადდეს და მსგავსი საშინელებები… და მერე იშლებოდეს.
2. ადგილობრივებმა რაც გავიგეთ, ის არის რომ ვისაც დაუფიქსირდა, ყველა მშვენივრად გრძნობს თავს და რომ არა ტესტი, ვერც გაიგებდნენ რომ ვირუსის მატარებლები იყვნენ.
3. ახლა, როდესაც სეზონმა ასე თუ ისე გამოიღვიძა და გავაკაპიკეთ სასტუმროები, ეს დიდი დარტყმა იქნება მთელი სვანეთისთვის, ამიტომ ასე ერთი ხელის მოსმით “დავიკეტეთ” არ გამოვა.
ის შეღავათი, რაც ამ გაუსაძლისი 8 თვის განმავლობაში ბანკმა გაგვიკეთა, იყო ის, რომ სესხები დიდი ხვეწნის შემდეგ გადაგვივადა და თითო 5 ათასი ზედ დაგვიმატა , ანუ ფაქტიურად უსასრულო სესხები კიდევ უფრო უსასრულო გახადა.
4. რახან ასეა და არ გვეშვება ეს კორონა, კი არ უნდა დავბლოკოთ ქვეყანა და ცხოვრება. განა ტელევიზიიდან თვითონ არ მოგვიწოდებდნენ: ვისწავლოთ კორონასთან ერთად ცხოვრებაო, ხოდა დავიცვათ წესები ,რეგულაციები და შევუმსუბუქოთ ერთმანეთს პობლემა?
5. მე პირადად, 400 ლარის ნივთები შეევიძინე , რომ სასტუმროს გახსნა შემძლებოდა.რისთვის ? ტრენინგები რატომ ჩაგვიტარეთ???გეკითხებით?
პ.ს. ძალიან გთხოვთ უაზრო კომენტარებით ნუ გამოხტებით!!! მე ვიცი, რომ ტურიზმით ცხოვრობს მთელი მესტია,ზოგს სასტუმრო აქვს, ზოგს მაღაზია, ზოგს მანქანები მომსახურებისთვის და უმრავლესობა ამ სასტუმროებშია დასაქმებული!!!თუ ასე არაა, გთხოვთ დააკომენტარეთ, ვისაც ხელს არ შეუშლის ეს მოულოდნელი ფაქტი. ღმერთმა ქნას ყველაფერი კარგად დამთავრდეს, მაგრამ დილის პოსტებმა უკვე შეაშინა ისედაც შეშინებული და დანერვოზებულ-დასტრესილი ხალხი.
ალტერნატივას ვითხოვთ!!!
ჩვენც გვეშინია, მაგრამ გვანახეთ გზა, ოღონდ არა სესხების ვითომ გადავადებით ,მერე რომ გაგვიორმაგეს, არამედ ისეთი გზა რომ უხელფასო,უშემოსავლო მოსახლეობამ, ძლივს რომ დაიძვრინა თავი და გაორმაგებულ ფასებში დღემდე ცდილობდა საკვების შეძენას და იმის იქით ვერაფერს აკეთებდა, შეძლოს თავის გატანა.
მჯერა, ყველაფერი დალაგდება,თუ არა და სასტუმროს მფლობელებს მოგვიწევს დაჯდომა და გამოსავალის პოვნა?
გმადლობთ ყურადღებისთვის?” – წერს თაკო საჯაია.
დღეს კორონავირუსის 25 ახალი შემხვევიდან 17 სვანეთში დაფიქსირდა, რის გამოც, მესტიაში, უშგულსა და ლენჯერში შესვლა და გამოსვლა შეიზღუდა.
ფუნქციონირების უფლება მხოლოდ აფთიაქებს, საბანკო დაწესებულებს, სასურსათო მაღაზიებსა და ღია ტიპის საკვებ დაწესებულებებს აქვთ.
